香港尖沙咀｜Chiu Fat Porridge Noodle Restaurant

我們一行人來自台灣，在9/29中秋節當天過去吃的，印象中點了豬手、粥、水餃、撈麵、飯等加起來十多種，重點是好吃，當下吃完覺得口味很符合我們的胃口，但因為沒有幫食物拍照的習慣，所以點了什麼餐也忘了，而在店內用餐還送給小孩棒棒糖，小孩很開心！這讓第一次到香港的我們倍感親切，謝謝你們！祝你們生意興隆！

來尖沙咀向長輩拜年，晚飯就順便在附近解決。由於新年期間吃了太多煎炸食物，所以想清清地吃點粥麵。途經樂道，見到這間「潮發粥麵茶餐廳」，探頭內望，舖面雖然不大，但地方都幾乾淨企理，一於試下。 餐牌壓咗係檯面嘅玻璃下面，另外牆身上亦掛了不少食物相片，項目一目了然。原來呢間餐廳嘅食物選擇都幾多，除咗有粥品、麵食之外，仲有飯類、湯類及小菜類等供應。 我哋點咗腸粉 ($15)、鮮蝦雲吞、炸醬撈麵、鯇魚腩粥同飲品。碟腸粉味道真係唔錯，入口皮薄而不散，軟身但又唔會過腍，滑溜富彈性，食到一層層腸粉皮。至於醬汁方面，無論係豉油、甜醬、麻醬都下得毫不吝嗇，唯一可惜就是沒有灑上芝麻，否則食味更佳。 鮮蝦雲吞，啲雲吞好巨型，粒粒都好似乒乓波咁大，蝦肉比例相稱，內餡蝦肉彈牙，而且豬肉唔會好膩，加上雲吞皮，薄而不爛，真正做到皮薄餡靚！最開心就係碗雲吞仲有生菜墊底，食多啲菜，健康又有益。 接著送上的炸醬撈麵 ($51) 亦非常之有水準，麵條夠細夠爽，軟硬適中兼彈牙，入口完全無鹼水味，配上炸醬肉絲，極之惹味討好。最特別就係炸醬入面竟然加咗啲潮州酸辣菜，味道辛香但又唔太辣，令人相當難忘！推介要吃。 鯇魚腩粥 ($46) 個粥底做得相當出色，好鮮好綿。魚腩下得好慷慨，分量勁多，足足有成三大件，而且咬落超滑溜，加上夠曬厚肉，配沾了魚肉的粥底吃，鮮甜惹味！ 飲品點咗絲襪奶茶 ($17) 同檸檬柑桔露 ($19)，我唔係奶茶粉絲，不過聽講呢杯味道都唔錯，茶質非常香滑，喝起來不過濃亦不太澀，帶清香。至於我點的柑桔露，一入口即能感受到濃郁的柑桔香味，還有頗明顯的酸度，近排天氣凍冰冰，飲完真係好舒服，夠曬暖胃。

服務好，餐點好吃，氣氛佳