香港灣仔｜麺屋こころ

佢哋嘅撈麵有冷熱之分，有8款撈麵選擇～ 今期佢哋推出咗山椒麻辣系列🌶 如果你想食返拉麵，佢都有雞白湯拉麵可以揀㗎🐔撈麵可以揀 M/ L size！ 正宗全料東京撈麵 (M) 呢款多達11種配料🤩 撈勻後麵條香辣惹味，口感煙韌彈牙😜 叉燒有微微炙燒，肉質柔軟有油香！ 柚子鹽味撈麵 (M) 呢款係香港店限定🇭🇰 係冷麵底，食落酸酸哋淡淡果香🍊 慢煮雞肉唔嚡好軟滑👌🏻 屬於淡麗系撈麵，幾開胃同清爽☀️ 單骨香脆雞翼 炸到金黃香脆，單骨食起上嚟更方便，雞翼本身已經淋上醬油，鹹味適中👌🏻 雞皮餃子 用雞皮取代餃子皮包住啲內餡🥟 炸到表面酥脆香口，雞皮油香四溢，內餡飽滿多汁！ 焙茶拿鐵 & 抹茶入玄米茶 焙茶拿鐵甜度啱啱好，茶香濃郁，飲落滑順👌🏻 抹茶回甘解油膩，加入玄米飲到焦香，清新消滯🍵

麺屋こころ【Kokoro日本過江龍 必食乾撈拉麵 】 平時湯嘅拉麵就食得多、沾麵都有食過，但乾撈嘅拉麵你又有無食過呢？呢間日本人氣撈麵店終於係灣仔開咗啦🎉 餐廳主打各式撈麵，撈麵可揀M/L size，L啲麵真係好多，細食嘅女生建議叫M size🤭 呢度款款撈麵都好吸引，款款都想試，最後我地揀咗招牌 正宗全料東京撈麵 同好邪惡嘅 24月熟成芝士撈麵。 🔸正宗全料東京撈麵 （M:$99 | L:$109） 呢個撈麵係辣嘅🌶️ 唔食辣嘅朋友仔可能要叫其他啦。話明全料真係好豐富咩都有，有叉燒、辣肉碎、生蛋黃、糖心蛋、荀、紫菜等。麵比平時啲拉麵粗啲，所以咬落更加彈牙，更有口感，成個撈麵食落好有層次好豐富！ 🔸 24月熟成芝士撈麵 (M:$109 | L:$119) 作為芝士控嘅我，一定要揀呢個撈麵。加入咗濃濃嘅芝士係撈麵，再配上特別嘅玫瑰果醬，可以中和芝士嘅膩感，唔錯嘅配搭👍🏽 啲麵真係好煙韌彈牙，因為全部都係師傅手工制小麥麵！ 🔸雞軟骨餃子 $39 雞軟骨餃子個皮煎得好香脆，雞軟骨增加咗餃子嘅口感👍🏽 🔸雞皮餃子 $43 雞皮煎得脆香，入面嘅肉餡都好juicy，再配埋wasabi秘製醬料，好味😋 🥤飲品 焙茶latte & 玄米抹茶 2杯飲品包裝簡單得嚟又好靚，味道都唔錯。

不是拉麵，不是沾麵，是東京撈麵～ 唔同國家都有佢地既分店，已經連續三年被選為日本第一撈麵品牌❤️‍🔥 超級推介☺️ 我同朋友都覺得好好食🫶🏻個人比較推薦 山椒麻辣撈麵（大辛）💰$109，呢碗東京撈麵係一種冇湯嘅麵食，由佢哋自家製嘅肉燥，醬汁同埋拉麵組合而成～ 感覺特別☺️而裡面既材料有炙燒豬腩肉、炸豆腐粒、麻辣肉醬、糖心蛋、紫菜、紅洋蔥、水菜、竹筍、紅椒絲，材料豐富，上枱時賣相不錯😚 叫左大辛，味道都比較辣，愈食愈正。每條麵都好掛汁，好惹味😝