香港觀塘｜壹.01 台式料理

📍 壹.01 (觀塘) 觀塘駿業街56號中海日升中心2樓D號舖 🌟「壹.01」聽個名聯想到台灣101大樓，由幾個年輕人共同經營嘅台式料理小店，專程嚟幫襯。 ***** ***** ***** ***** ***** 餐牌見到好多台灣地道嘅食物，每樣都想試吓，結果兩個人叫咗一個飯四個小食😋 🐓香蔥紫菜手撕雞飯 啖啖大蔥、青瓜、椰菜絲、蘿蔔絲、芝麻、醬汁、紫菜同香滑手撕雞，非常豐富。 🥪脆炸鮮奶卷，古早芋泥二文治 外層鬆脆、一咬落去有奶將醬爆出來😆仲有滿滿的芋泥，兩款各有風味。 🫘台灣夜市小食拼盤（台灣腸、花枝丸、鹽酥雞） 小食拼盤真係好好食，三款都很惹味，一口接一口，食到停唔到口👍 🍗花雕雞翼 陣陣酒香、肉質鮮嫩，醃得好入味👍 牛肉汁煮風琴豆腐🍮 濃香牛肉汁味嘅炸豆腐👍 🧋🧋珍珠奶茶 查底好飲、珍珠煙靭好咬口，叫咗少糖少冰，超級解渴好味道👅 ***** ***** ***** ***** ***** 我哋食到攬實個肚勁飽，埋單有驚喜，下午茶時段有9折，性價比好高，下次一定會再嚟幫襯。 #壹01台式料理 #壹01芒果魯肉飯 #壹01台灣 #觀塘美食 #觀塘台灣美食 #觀塘駿業街 #foodie#hkfoodie#hkfood #igfood #Hongkongfood #hkeats #cameraeatsfirst #foodphotography #食得是福

【二訪大熱台食店💛 芋控必試！酥脆芋泥二文治+芋頭鮮奶🔥 】 推薦程度：●●●●● 抵食程度：●●●●● ——— 之前推介過一次呢間習飲食、休息、上網於一身嘅台食店！今日再去觀塘，就決定再戰一次🫶🏻 除咗多咗新品，仲有新優惠💛 Follow佢地IG @1.01_ig 2:30後入座全單9折‼️ 本身已經抵食，依家仲要有折🤯 〈推薦〉🥚 熔岩蛋之戀｜$39 有圖有真相‼️ 拉晒絲、勁犯規😍 芝士鹹香十足；蛋餅外脆內軟，火喉剛剛好🔥 不過蛋香少少被芝士搶過風頭，所以呢款適合芝士控多過雞蛋控😛 〈推薦〉🫔 脆炸鮮奶卷・古早芋泥二文治｜$48 炸鮮奶外脆內軟——最外層係香脆，咬入少少帶煙韌感，最裡面嘅牛奶餡好creamy、好漿口✨ 3重口感，令人愛不釋手🥰 第一次試二文治，感覺好似夾餅咁，餅層酥脆可口、中層芋泥好綿密，口感相映成趣💛 兩款都好啱我呢個炸物王，所以私心推薦😝 🍢 台北夜市小食拼盤(台灣腸/花枝丸/鹽酥雞)｜$39 係台灣夜市嘅風味呀🥹 台灣腸煎到香脆可口，配返個蜜糖，好似去咗BBQ咁，食落感覺都冇咁熱氣🤣 花枝丸外層唔夠其他嘅脆口，但勝咗有花枝粒，丸團口感都好實在、密度較高～ 而鹽酥雞香脆可口，炸粉唔厚，用到嘅雞肉亦唔太過脂肪量，唔算好重膩感🙌🏻 🍚 401香蔥紫菜手撕雞飯｜$57 手撕雞就係啖啖肉，夠晒滋味！肉質嫩滑，大大件，份量都多🙌🏻 配料同飯底同樣夠多，男仔食都夠晒飽（想試埋小食/小鳥胃嘅建議少飯🙌🏻) 香蔥同紫菜配埋飯食，夠鹹香之餘，多份爽脆感～ 覺得呢款比起著名嘅魯肉飯冇咁膩🥰 〈推薦〉🥛 全手作芋頭鮮奶(小)｜$38 (特濃芝士奶蓋另+$8) 芋泥好綿密，份量夠晒多，配合鮮奶攪拌口感更加細滑🫶🏻✨ 少飲全脂牛奶嘅我，覺得個奶底好濃郁，程度尤如玻璃樽嘅鮮奶咁，仲略帶少少奶羶味香🤏🏻 奶蓋鹹度適中，吊返個芋泥味✨ 整體唔錯～ 不過如果唔係樽仔設計，可以先淺嚐到奶蓋層就更好🥹

觀塘101一向好有口碑 🤩比一般台菜清淡啲 無咁油又零味精 好有家庭式作業既感覺🥰 服務態度極好 定價完全係貼地良心價 每日下午茶2:30pm後至晚市仲有9折優惠 真心性價比奇高🤤支持小店喔🫰🏻 ⍥ 脆炸鮮奶卷・古早芋泥二文治 有芋泥喎😳諗都唔洗諗 厚厚一層既芋泥餅 好實在而且本人不甜 夾住果兩塊餅唔係極脆路線 但同綿密軟滑芋泥有個強烈對比 🤤而且拎上手都唔會覺得油 至於鮮奶卷炸得香脆可口！！ 唔油膩 甜度係接受範圍 朋友原本無興趣 點知食左一條忍唔住再食haha😗 ⍥ 熔岩蛋之戀 食台菜點可以無蛋餅！？ 拉絲芝士火腿蛋餅係人氣小食 必須要趁熱食！！蛋餅先夠脆😳 澎湃既芝士令人好滾動 層次豐富又香口 唔會太膩 朋友好喜歡🤣🤪我又⋯只係食左一舊 ⍥ 秘製厚切蜜汁豬扒 一講到秘製就好有興趣想知係點😳 豬扒係酥炸 炸衣好透薄 雖然炸到有啲甩皮甩骨🤣 但無影響佢既味道 由於小店標明無用鬆肉粉 😚所以豬扒唔會稔得無晒靈魂～ ⍥ 牛肉汁煮風琴豆腐串 🤤呢個風琴豆腐同豆卜差唔多 豆腐既每個毛孔都吸收晒牛肉汁 所以一咬！！係爆汁！！🥰🥰 😋😋絕對唔會太鹹 好味～ ⍥ 蜜汁台灣腸 好耐無食台灣腸 😚本身已經好好味架啦 加埋蜜汁甜甜地仲正！ 我⋯⋯⋯又係食左一舊🙂 ⍥ 香蔥紫菜手撕雞飯 很大一碗！🤩根本係手撕雞件 麻油香味突出 肉質有彈性亦夠軟稔 多得海量香蔥跟紫菜撈飯一流 👍🏻淨係食飯都唔會咁寡 無想像咁重口味🥰 ⍥ 奶蓋手作芋頭鮮奶 +$8 要埋奶蓋🤤 一攪就知芋泥好夠真材實料！！ 最愛不甜而不失天然芋泥香🤩 芋泥好夠綿密 奶蓋比例適中 不過差唔多飲晒先飲到奶蓋 除左呢點 根本冇得彈👍🏻 ⍥ 生薑紅棗玫瑰茶 朋友既養生茶 好夠熱 而且勁足料 果晚佢話好似好訓左😂