香港筲箕灣｜八沢 HACHI SAWA

出名日式烏冬店🍜 今次要介紹吓筲箕灣東大街一間幾出名嘅烏冬店，佢最出名嘅就係「黑松露忌廉海鮮烏冬」，呢個係銷量第一位🥇 佢個忌廉整得好香口，海鮮就有三文魚同埋帶子，最鍾意嘅就係佢嘅烏冬，好彈牙非常推介👍👍 另外都會推介「赤濃黒豚肉拉麵」😋 湯底都係整得好好，拉麵超好食，好似去左日本咁😛 除咗烏冬同埋拉麵之外，都叫咗啲串燒做小食🍢 試咗佢嘅「鹽燒雞肉串燒」同埋「三文魚腩串燒」，串燒新鮮燒嘅，熱辣辣一定要即食👍

色香味俱全，很出色的拉麵👍黑蒜油湯底好看，叉燒燒得好好食，拉麵夠彈牙👍

住開港島東嘅人對於東大街應該唔陌生, 美食店多到數唔曬, 但有幾間我係會不停encore😋 其中一間就係近年開咗好多分店嘅八沢, 隔咗一排無食就會突然掛住佢個黑松露忌廉烏冬😩🍜