香港筲箕灣｜Golden Chicken

店舖位於小巷內 不太起眼 但店如其名 一睇就知夠黃 仲要貼哂文宣 不過座位唔多 可以嘅話都外賣拎走食 🔹五香豬髀飯 $36 三款招牌之一 豬髀飯超出期望 豬髀好淋 汁又夠多 岩岩好夠餸飯 唔會好dry 就算連配菜嘅酸紅蘿蔔絲都好好味 酸酸地又無韓式酸蘿蔔咁酸 再加埋d日式豆苗 成件事都高級左 每個飯都有例湯跟架 呢個價錢有咁嘅質素 真係無得輸 仲要係用紙盒架 當日買果時都見到有人自備飯盒 餐廳都好支持 作為半個環保L黎講都有加分 🔹招牌黃金雞飯 $40 黃金雞飯即係海南雞飯，真心唔錯，雞嫩，油飯香得嚟唔油膩，醃蘿蔔絲酸酸地又幾開胃，仲有日式豆苖裝飾，飯一樣係跟湯一杯及兩款醬 有豉油汁同蒜蓉薑汁。 🔹咖喱牛腩飯 $45 可選青/紅咖喱 揀咗青咖哩 不過香料味太重 我個人就麻麻地 但個牛腩係勁淋又入味 可能配紅咖喱會好啲 不過我諗單叫牛腩飯都已經好出色 照舊都係有醃蘿蔔絲同埋日式豆苖 仲跟埋湯㗎

叫左外送，我係第一次幫襯， 但我控制唔到自己要即刻寫返個食評！ 首先，食物質素方面水準非常高！ 完全係驚喜果隻！ 黃金雞飯，雞非常滑！我媽媽話從未食過咁好食嘅 泰式海南雞飯！(我媽媽係泰國人) 我食黑椒牛柳粒，油飯很香，黑椒味啱啱好而且牛柳肉質非常嫩！你唔講我以為食緊A5和牛！ 老婆食雞扒飯，話個雞扒非常美味，非常juicy! 我諗都無諗過，外賣質素都可以做到五星米芝連餐廳既質素！ 香港人加油！祝你們生意興隆，日日排長龍！💪🏻

黄色飯的黃金雞🐥 雞肉嫩而唔油，食埋皮都唔覺肥膩🤤 點埋泰式酸辣醬更加惹味。最正係個黃色雞油飯，好香呀！加埋微酸爽口紅蘿蔔絲清爽感滿分。湯味入口溫馴飲完唔口渴。咁足料份量又咁多都係四十蚊，完全收貨有凸💯 Juicy chicken, very tender. Small shop with friendly staff and very affordable price. Pretty popular at night so may need to wait a bit. 香港人加油!