香港九龍灣｜Su Casa

Su Casa 舖面面積大，而且有兒童餐揀，好適合一家大細喺度玩同食。 -紐西蘭牛西冷配薯條 $138 西冷排牛味濃郁，亦做到我想要嘅熟度，食落口好嫩，一啲都唔韌，而且好Juicy。薯條炸到好脆，忍唔住係咁點芥末醬同番茄醬嚟食。 -菠蘿有機奇亞籽綠茶 +$0 跟餐附送呢杯健康飲品，一嚟唔會好甜，二嚟有真菠蘿肉同奇亞籽，重有淡淡嘅綠茶香。 -澳洲盲曹魚柳伴西西里蜆肉汁配意粉$126 盲曹魚柳嘅魚皮煎得好香，魚肉嫩滑，喺魚柳下面有蜆肉舖底，鮮味十足，配埋醒胃嘅西西里汁，胃口大開。 -熱鮮磨咖啡 +$8 可以自己選擇加唔加奶，咖啡香濃，好提神！ 跟餐重有蘑菇忌廉湯

Su Casa @ E-Max 友善親子餐廳 大少今日游完水，又話肚餓， 學游水嗰度近國際展貿中心， 就同佢去EMAX度搵食。 入到Su Casa, 原來嗰度地方好大。 落地玻璃，採光度好高，好光猛。 入到裏面好寬敞，一張張白雲石圓檯， 仲有黑白藤椅，坐得舒服。 另一邊Party Room， 見裏面有唔不少兒童設施， 等嘢食期間，店員好好， 仲俾大少入去玩咗一陣。😃 由於大少一向大食， 所以我揀咗兩個set lunch同佢食。 加拿大無骨豬扒配飯 個飯熱辣辣送上枱， 豬扒煎得微脆又香， 肉質夠厚，容易切開，啖啖肉， 配埋汁食，好好味！ 紐西蘭牛西冷配意粉 牛扒好重牛味，又夠淋， 無根，切開又多肉汁， 意粉彈牙，配埋汁食，好正~ 兩個餐最驚喜係伴碟嘅蔬菜， 茄子、翠玉瓜、蕃茄到烤過， 有口感又美味， 連平時唔鍾意食蔬菜嘅大少都食。😁 甘筍湯 甘筍湯有新鮮甘筍磨製， 又香又滑，熱辣辣飲， 飲完成身都好暖。 菠蘿有機奇亞籽綠茶 最特別係呢個綠茶， 有真嘅菠蘿食， 飲落又唔甜，清新又解渴。 臨走店員重送大少一個氣球，🎈 同比腿扭蛋，好貼心！😊 真係一間關愛兒童既親子餐廳。❤️

九龍灣➡️➡️➡️Su Casa 朋友難得可以放星期六，相約咗朋友食美味的午餐。 餐廳裝修雅致，環境舒適。餐廳分了用餐區及玩樂區，而且地方寬敞，很適合帶小朋友來玩。 😋餐廳使用QR code點餐，是日選擇： 1️⃣加拿大無骨豬扒配薯條 🔸是日餐湯 🔸菠蘿有機奇亞籽綠茶 🍽豬扒好厚、好大塊，還以前會較難咀嚼，估唔到好易切開，肉質厚實多汁，配埋醬汁更好味。 特別配搭嘅菠蘿有機奇亞籽綠茶，想不到幾啱我口味。 2️⃣紐西蘭牛西冷配薯條 🔸是日餐湯 🔸熱柚子蜜 🍽牛西冷肉味濃，沒有根，多肉汁，沾上燒汁，口感更豐富。 薯條份量多，調味剛好，亦金黃香脆。 3️⃣日式柚子芝士餅 🍽賣相吸引，還有香香嘅柚子味，令芝士餅不會太膩。 4️⃣荔枝玫瑰芝士餅 🍽清新嘅玫瑰香氣，還有荔枝味，濃濃芝士味，整嗰組合會食完想再食！