香港尖沙咀｜新南苑私房菜

#尖沙咀 #新南苑 颱風過後 最好食番啲暖粒粒既火鍋🍲 新南苑最正就係佢既牛牛餐 啲牛無雪味 而且紋路雪花❄️好靚 一口牛配上新南苑既自制麻辣湯 舌尖上既麻痹 肉質入口軟化既感覺好過癮🤤 而新南苑既雞煲/毛血旺係任食 而酸菜魚除左大滿貫餐外 只有一份供應 魚片唔會有碎骨痴住 又滑嫩👍🏻👍🏻 最特別係店鋪仲有唔少figure 老公欣賞入神到 唔記得拎野飲比我🫨 150分鐘任食 價錢算係合理 坐位都舒適 推介👍🏻

位於尖沙咀的任點任食火鍋館，環境如身處海鮮酒家般熱鬧。 之前跟同學吃過午市208任飲任食『開心餐』感覺價性挺高，於是情人節也要吃好西，任食識揀好吃之餘，幸福自然不會肥。 任食海鮮餐到底包啲咩？好～我哋去片： 先吃雞煲再打邊爐🍲湯底要了蟲草花椰子花膠湯，湯頭材料十足。 雞選了中辣，雞肉嫩滑，愈煲愈入味，就連爆炒時都令人刺激口水流。再加入脆炸油炸鬼，更具滋味。 前菜款式多，有泡菜木耳白雲鳳爪合桃等，最喜歡是炸蝦多士，脆卜卜，軟硬兼備。 刺身船擺得好睇，有蟹棒三文魚北寄貝榮螺等，比平時的放題質素要高，煙霧離漫，更起食慾。 海鮮🦞龍蝦青口生蠔帶子鯇魚片都新鮮，特別是龍蝦相當彈牙，打邊爐令湯愈煲愈濃香，湯頭越嚟越甜。 本地手切牛頸脊牛味夠濃，怪不得每兩位只送一碟。 吃完上面基本上已飽了，另外再要了魷魚水魷，美國極上牛肉即肥牛和濃厚牛味的牛骨清湯牛丸，味道也不錯。 芝士腸屬個人大愛，不停吃，吃不停，芝心滿口是。 飲品櫃品種多，除了甜飲外還有自家制泡茶。 下次如果不幸加班，會帶同事過黎試埋個九點半貓頭鷹時段去，貪佢平一啲，三百幾仲無加一。

冇諗過呢度有咁多Marvel figure 我自己都係Marvel迷嚟～ 睇到哇哇聲！ 喺度食嘢勁開心(*´▽`*)ﾉ 我哋叫咗個牛牛餐～ 三百幾蚊一個人，超級豐富！！ 首先上枱嘅係四碟開胃菜～ 有泡菜、酸辣黑木耳、酸辣無骨鳳爪、甜味合桃， 黑木耳同無骨鳳爪超好食！！ 跟住就上刺身拼盤～ 全部刺身都好新鮮肥美， 而鮑魚就係當中最最最好食嘅刺身！ 完全冇諗過佢會係咁軟嫩， 輕輕一咬就已經可以咬開， 仲要勁鮮甜！ 雞煲上咗枱後要再煮一陣先食， 煮熟晒之後就可以加油炸鬼入去， 想講加咗油炸鬼之後真係不得了！ 個油炸鬼會吸咗雞煲嘅惹味醬汁， 但咬落口仍然會係脆口！ 勁好食呀( ˘꒳​˘ ) 食完雞煲後就可以㨂湯底食牛牛拼盤～ 我偷聽到隔離枱推薦虫草花海底椰花膠湯， 所以我哋都跟住嗌😆 結果同啲牛勁夾！ 咁多款牛入面， 我自己最鍾意極黑美國和牛同手切牛肩脊！ 牛味最香濃、口感最好！ 呢度嘅嘢飲係任飲嘅～ 勁驚喜發現居然有玻璃樽嘅可樂！！！ 仲有自製花果茶同埋檸檬薏米水！ 超級有誠意！！！ 甜品係北海道牛乳奶凍， 好香好滑超好食(っ˘꒳˘ｃ) 仲要係可以任食架！！！！ 呢餐$398一個人真係性價比勁高！ 但原來我哋遲多一個鐘（21:30）入座， 就可以以$338免加一任食， 比我哋晚市時間平$60一個人架～ 跟手再發現原來午市有$208開心餐任食， 抵到咁！ 下次要午市嚟先得( ᐛ )و