香港大坑｜火車頭越南餐室

女友小熊係港島出差，收工係天后，問我放工晚飯食咩好. 小熊提起，先醒覺好耐好耐無入去大坑，大大話話成十多年! 於是提議入大坑開餐. 另一個原因，就係入去懷念一下! 相信好多人入去大坑，一係去蓮花宮，另外就係去房協，我亦唔例外，十多年前去完房協之後，都無再入去，所以入去緬懷一下..... 記得以前浣紗街有間細細地由兩公婆開嘅電單車維修店，今日經過已經變成 eleven，唔知搬咗去邊? 有街坊車友知道的話麻煩留言俾我知! 四圍遊蕩之際，小熊被哩間越南餐廳環境吸引，於是推門入去幫襯. 哩間餐廳叫火車頭，係火龍徑行緊時老遠已經見到佢個懸掛招牌! 哩D招牌買少見少喇，因為政府不停拆拆拆.... 入面裝修環境夠氣氛，有越南街頭風味又有火車車廂感覺. 點咗一份名為火車頭招牌湯河，泰式燒雞，咖哩軟殼蟹，點咖哩當然唔少得蒜蓉包啦! 首先我唔食得辣，全部點嘅餸都唔辣! 軟殼蟹食得多，加上咖哩都係第一次，軟殼蟹外脆內軟，咖哩汁味道香濃，我同小熊不停用蒜蓉包點咖哩汁嚟食，一滴都無浪費! 蒜蓉包份量夠大，蒜蓉亦不少，所以蒜香撲鼻! 泰式燒雞外表以為雞肉又乾又柴口，食落先知係錯覺，肉嫩夠熱又 Juicy，雞皮又夠香脆! 唔洗點甜酸汁已經好好味，點埋甜酸更加惹味! 𠲖! 招牌湯河粉嘅湯底咁深色? 飲落清甜之餘又隱匿有少少好似藥材味，內有牛栢葉，生牛肉，牛丸同牛筋腩，首先牛丸用新鮮牛肉打制，入口鬆軟又juicy，另外較難處理嘅牛栢葉亦極之嫩口，牛筋同樣出色，炆到冧哂又入味，不知好過幾多港式粉麵檔嘅牛筋腩! 食完之后，行過維園，相信下一次嚟係出年行年宵巿場鳥.

⍥ 香茅牛肉蝦片 ❙ $62 有驚喜😳牛味香濃 有啲似肥牛 炒得惹味 蝦片中間夾住一小撮米粉 口感豐富 層次分明 非常好食🥰 ⍥ 大蝦柚子沙律 ❙ $96 以為細細盤好少 其實份量好多 柚子沙律調味了得 勁清新🤤 食完胃口大開🫶🏻 ⍥ 咖喱雞 ❙ $138 Keep warm一流！ 同朋友慢慢傾計都唔怕凍晒🙌🏻 咖哩好香 微辣有椰香 😋不乏洋蔥 薯仔及好夠稔雞腿肉 餸飯絕對一流 但怕太飽 所以無叫飯😆 ⍥ 火車頭招牌湯河 ❙ $108 上枱即隨聞到香味😆 第一啖一定先試湯頭 濃郁但清澈不油膩 牛丸、牛筋、牛柏葉、牛腩片及生牛肉 🤤最得我心係生牛肉片 牛味香濃 齒頰留香 其次牛腩片同牛筋都表現出色 湯河清爽好夠滑溜 河粉吸汁力特別強 每啖都索滿牛肉湯汁 不愧為招牌🫰🏻

大坑美食多，跟朋友一起發現了這間越南餐廳很吸引，火車主題特式的餐廳，感覺很懷舊很有風味。 芒果大蝦米紙卷 $76 半透明的米紙望著內裡的餡料，賣相非常吸引，一口咬下，先是陣陣香草味，再來就是芒果的清甜還有大蝦的鮮味，米紙黏性剛剛好，煙煙韌韌，米粉彈牙，沾點甜醬味道更能提昇另一個層次，簡簡單單的一道菜多種味道口感混合在口中，實在美味。 生熟牛肉湯河 $83 湯底相當濃郁，濃濃的牛味及香料味，薄薄粉嫰的牛肉在熱湯下慢慢變成啡色，火侯剛好，嫰嫰滑滑，再加入青檸，辣椒，魚露，金不換，再喝一口湯，又是另一種滋味。 鮮茄蟹肉蝦湯河 $118 材料非當豐富，有大蝦，蝦肉卷，豆卜，蟹柳，蝦肉彈牙，豆卜吸收了湯的精華，份外美味，加上蕃茄湯底香濃鮮甜又帶點酸酸的，還有很蝦米，增添了一份咸香味，令人忍不住一口接一口。 椰汁涼粉綠豆冰 $48 椰汁十分香濃，還有粒粒綠豆和涼粉，口感十分豐富，清爽解渴非常透心涼。 美祿哥斯拉 $43 十分濃稠的美祿，再在冰塊上添加幾勺美祿粉，很滑口，又有濃濃美祿獨有的味道，十分邪惡但很治癒🥰