香港銅鑼灣｜Meat Cuisine Hiro x Iroha Yakiniku

肉料理 廣 (銅鑼灣) . 今次推介嘅呢個燒肉真係非常好食，服務態度仲要非常好 . ▪️雞泡魚乾 ▪️$90 . 第一次自己燒雞泡魚乾，燒耐啲邊位香口啲，再配沙律醬 . ▪️碎飛驒牛他他▪️$100 . 呢個他他價錢唔貴又好食，他他入面有啲蘋果粒爽口，生牛肉全部都醃過，微香麻油味 . ▪️ 飛驒牛五部位（二枚)▪️$520 . 嚟到呢度梗係要食吓佢弛名嘅飛驒牛，叫咗份小每個部位有兩件，個人覺得一人一件啱啱好，因為佢唔同嘅部位都係充滿油脂香，食落去會比較膩 西冷好似係比較多雪花紋，食落半融化；牛肩肉係五款中個人覺得最平均，完全無渣 里脊肉肉味較重 二人食真係必叫，每個部位試一件 . ▪️厚燒牛舌▪️ . 店員好好咁怕我地handle唔到幫忙燒，細心咁燒曬六面，微焦，入面係熱但爽口 牛舌芯就係特別好食🤤一客有六件！ . ▪️壽喜燒風和牛西冷加黑松露蛋黃▪️ . 壽喜燒個人好喜歡，又薄又大片由店員幫忙，涮兩下好快食得，放上珍珠米飯再淋上店鋪嘅黑松露蛋黃醬，白飯反而減底油膩感，入口融化，非常好食同濃郁！ . ▪️冷麵▪️ . 由於食左好多肉後有啲膩感，我碰巧個胃又唔係幾舒服，叫一份冷麵店員仲好細心幫我地分成兩小份！ 有芥末同白醋調味，夠開胃又清爽，麵質有咬口微煙韌，價錢又相宜，必叫主食之一！ . 📌 肉料理 廣 (銅鑼灣) 銅鑼灣渣甸街50號渣甸中心2樓 . 環境：⭐️⭐️⭐️⭐️⭐️ 味道：⭐️⭐️⭐️⭐️⭐️ 服務：⭐️⭐️⭐️⭐️⭐️ 價錢：⭐️⭐️⭐️⭐️⭐️

E 日本A5飛騨牛九枚焼肉定食 ($350) & G 日本A5飛驒牛肩里脊肉定食 ($380) lunch set分別都包左前菜。前者包括：飛驒牛霜降三片、飛驒牛赤身三片、飛驒牛肋間肉三片。而後者各有四片A5 飛騨牛肩肉油脂及里脊。每一片都充滿油花，燒嘅過程中都已經聞到陣陣牛香。每一款燒完都係入口即溶，大滿足🥰 碎飛騨牛他他 ($100) 平時食開嘅牛肉他他都係切粒上 呢到係比較特別嘅一點係佢哋將切條上 增加口感😛 將牛肉碎同濃郁的蛋黃撈埋 口感好軟滑😏

🐽 日式沙律 蔬菜都好新鮮，啲沙律菜脆口又唔會太硬，個人覺得沙律醬酸酸地好夠味又唔會太鹹，食落去好消暑 ⁡ 🐽 飛驒和牛壽司 呢個係我食過最好食嘅和牛壽司，啲壽司米好鬆化，啲和牛肉經過輕輕燒過，帶啲炭香，再加埋啲特製醬汁，真係好滿足🫶🏻 ⁡ 🐽 日本產飛驒和牛 一試就愛上嘅肉質，肉眼扒芯、肉眼卷、牛肩肉、牛肋條、里脊肉、牛肋肉、西冷同埋肉眼每樣每人一塊；啲肉好嫩滑，啲脂肪分佈好均勻，食落去真係油脂感滿滿。個人最鍾意食肉眼卷同里脊肉🫣✨ ⁡ 🐽 日式蘋果泡菜冷麵 日式嘅泡菜同一般韓式泡菜唔同，醃得啱啱好，唔會太辣。同埋啲蘋果片令到整個口感更多層次，加埋啲冷麵，真係消暑又解渴