香港深水埗｜Ging Sun Ho King of Bun

生煎包爆湯汁爆滿很好吃

上海生煎皇唔止食生煎包咁簡單，仲有好多唔同嘅上海美食。舖頭燈火通明，鋪面又大，店員都好好服務，用餐體驗唔錯，下次一定會再嚟 🌟堅信號生煎包（2隻）$22 堅信號招牌，一試果然名不虛傳，一口爆汁生煎包👍🏻 🌟蟲草花杞子養生小籠包 （2隻） $20 再試埋個小籠包，除咗面頭有兩粒杞子，入面肉汁都好香蟲草花同杞子味，皮薄餡靚 🌟酸辣湯麵 $45 叫咗小籠包同生煎包，唔想咁多肉就叫咗個酸辣湯麵，個湯好濃味，仲有木耳同菇絲，就算冇肉類都可以好滿足 🌟上海排骨擔擔麵 $64 朋友唔食辣，問咗原來擔擔面都可以走辣，亦唔會影響佢濃郁嘅花生味，麵條較幼好索湯。上海排骨新鮮炸起好juicy 🌟孜然雞翼（3隻）$32 孜然粉唔會太重手，反而滲晒落雞翼入面，仲有黑芝麻好香 🌟上湯火腿娃娃菜 $34 🌟豆漿(凍) $13

之前喺旺角嘅分店食咗外賣生煎包，已經覺得好好食，個皮好脆有肉汁。 今次去呢間深水埗堂食，服務都算唔算，一開始比左杯熱水同餐具，小籠包，雞絲粉皮，秘製豬扒！ 雞絲粉皮唔錯，夠麻醬，個粉皮都爽口，雞肉絲分量唔算太少，$28 值得叫。 小籠包最後先到比較遲，但$32 四粒 算抵食，正常期望甘，我覺得生煎包畀小籠包好食，下次會再食生煎包，因為個脆皮真係好正！ 另外，覺得必點就係呢個秘製豬扒。因為做完運動想補充蛋白質，所以就冇叫豬扒飯，叫咗個淨豬扒。 個豬扒夠淋，肉汁好夠，好似食緊叉燒咁，但係又好夠味，一塊$46有啲貴，但真心推薦要試試！