香港深水埗｜御品 千之味 (深水埗店)

行開附近見到有間日本野，係門口望左一輪Menu，覺得價錢又幾抵食咁，款式又多，就決定一試😋點知，真係完全無失望Bo😻！ 🌟芝士炸蝦卷（4件） $48 呢個價錢嚟講有4舊，性價比高，真係已經好吸🥹食落芝士仲有微熱，配合埋沙律醬同魚子，再夾埋炸蝦，真係好好食！炸蝦仲要好脆😋！ 🌟花之戀（3件） $50 身為花之戀迷嘅我，點會唔試餐廳嘅花之戀呢🤣雖然佢睇落細細粒，但三文魚都有三大片架，食落口感好豐富🥹好滿足！ 🌟迷你魚生飯餐配刺身 $166 （配火炙壽司5件、味噌湯、沙律螺肉、吉列炸蝦） 前菜嚟講都唔差，沙律有粟米，即加分🤣螺肉都好新鮮，唔會好淋，味增湯比我想像中更有味，因為平時飲開果啲好淡🤣所以有驚喜！套餐送左4款刺身，包三文魚及北寄貝各2片、甜蝦、帶子各1片🫣個人覺得套餐附送嚟講，送6片都幾多，而且最重要係刺身都新鮮，食落有鮮味，但刺身無用冰墊底，所以記得要快快口食曬佢重頭戲！ 黎到重頭戲！三文魚拼海膽丼😋！三文魚份量好夠，我食到最後仲有三文魚剩🤣海膽都唔差，如果會配埋紫菜就更好😆整體唔錯！ 套餐仲包埋火炙壽司5件😆你話係咪好抵食！包括有三文魚腩、三文魚、鰻魚、左口魚邊、熟蝦）個人最愛三文魚腩🥹🥹好肥美，仲有埋芝士，食落做到入口即溶！其次，左口魚邊都好好食，刺身好嫩滑，一口就食曬😋😋！仲加左$20追加炸蝦😆😆 呢款炸蝦好好食！食落唔會滿口炸粉，反而會食到淡淡蝦肉，食落仲唔會油膩感重，即時再encore多一份🤣🤣🤣大推！ 🌟唐揚魷魚鬚 $52 最後仲散叫左魷魚鬚，呢款炸物相比炸蝦，佢嘅炸粉食落口感會比較多，但魷魚真係好彈牙，炸得亦相對脆身，連埋沙律醬加檸檬汁食，口感再豐富啲🥹好食！ 總括而言，餐廳食物價格相宜，款式又多，味道又正，真係性價比極高！我見餐廳都有幾間分店，推薦大家見到附近有嘅話，必試！😋😋

🌟 壽司外賣🍣必點【千之味】🌟 相信大部分香港人已有兩年多未返過日本家鄉，慶幸我們身處美食之都，隨處可找到各式各樣的日本料理，讓你一解思鄉情懷，由壽司、天婦羅、鐵板燒、懷石料理、以至每位過千元 omakase，要幾講究，有幾講究。今日唔使飛日本，都可以歎到高質日本壽司。好多香港人稱它為外賣到會必點壽司店，【千之味刺身壽司專門店】。 翻開手機外賣餐牌，即時用手機落單即時製作都好方便，刺身壽司拼盤有超過20款，價錢貼地，平均$10/件，且種類不少，三文魚、赤身、油甘魚、帶子、甜蝦、海膽、鰻魚等都有，都好豐富，食欲Starting。 揀完野食就自助式去拎餐飲。 等左都有15分鐘，拎外賣個陣望落個色水都非常正！而且都會有啲冰包保凍，等啲嘢食唔會變得唔新鮮。拎到翻屋企都唔會熱咗。 🍴壽司套餐10件跟餐飲 $103 「有三文魚2件、油甘魚、白身魚、赤蝦、吞拿魚、蟹籽、熟蝦、玉子、鰻魚」 三文魚壽司油脂分佈均勻，吃著很有油香、油甘魚的魚肉鮮味，細嫩肉質伴隨魚油香與柑香，滋味無窮，赤蝦壽司夠大隻厚身好鮮味、蟹子壽司放滿個軍艦，蟹子很多又滿滿，一粒粒又脆卜卜，鹹香鹹香咁，好正！ 熟蝦煮熟後呈鮮紅色，肉質緊密，味道甘美、厚燒玉子非常厚身，好香甜既蛋香味，總結呢個盤都幾抵食！正啊！ 🍴花枝卷兩件 $20 好多人喜愛的原因都是因為它的鮮味和口感多層。 🍴左口魚壽司兩件 $20 最愛的左口魚，魚味略淡而純以爽滑的口感取勝，食落似油甘魚幼年，味道冇成熟的油香味。 🍴吞拿魚蓉飯套餐跟餐飲 $88 軟綿綿嘅口感同埋吞拿魚腩誘人嘅脂香，喺大蔥嘅微辛中引發出美妙嘅化學作用，自然每一啖飯都鮮甜美味，整體口感細膩甘香，淡淡鮮味。 吞拿魚蓉分量一點都不少，足夠送飯。 🍴三文魚刺身三件 $20 肉質細嫩鮮美，而且沒有魚腥味，切到剛好，再肥美點也不錯！ 🍴七味雞翼四隻 $48 用了日本七味粉去烹調，七味粉是日本料理中一種以辣椒為主材料的調味料，是由辣椒和其他六種不同的，有日式風味，非常香口。 唔覺唔覺發展成第8間分店，當然店舖一定有有其過人之處！貼地價錢是一大要素，款款厚切剛好，很是滋味。如果今晚不想自己煮，就買外賣回家慢慢歎啦！

✿╮❤╭✿ ✿雜感女生 好味日記✿ ˚*•✰。御品．千之味．好正的外賣壽司。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 在深水埗shopping之後，收到家人點菜要吃壽司 openrice一下，知道附近有間御品．千之味 見到唔少客人，一於試下點外賣回家吃 一碟「千之味壽司盛」 + 吉烈炸蠔 差不多了 豉油一向外賣會有，但非常細心的店員更準備了乾冰與豉油碟 實在是意想不到 「千之味壽司盛」非常豐富 包括：三文魚、北寄貝、八爪魚 蟹籽、蟹棒、熟蝦、加洲反卷 壽司飯調味剛好，不會過份濃味 突出了海鮮的鮮味 令家人甚為欣賞 三文魚不是一般的貨色 三文魚極之鮮甜 吃得到的新鮮 北寄貝、八爪魚很是彈牙爽口 配上點點的芥辣，更是吸引 蟹籽粒粒卜卜脆 蟹棒、熟蝦也非常鮮甜 家人都說，此店水準不錯 值得一吃再吃 吉烈炸蠔 尤其執辣辣 香脆又有蠔味 連不太吃蠔的家人都非常喜歡