香港荃灣｜MARKA HOUSE

寧靜西式小店，主菜加$20就可轉套餐配餐湯／沙律及飲品 橘子油醋葡萄柚沙律：清新開胃 智利野生白鱈魚扒：煎得皮脆肉嫩滑，魚味濃，配菜是炒蘑菇，薯蓉 飲品加了$20轉了特選法國玫瑰酒 手機自助點餐，樓面只有兩位侍應上菜和執拾，服務依然有效率，態度亦很友善有禮貌 特別想讚賞一下，於電話訂座時，員工態度已經好nice 好有禮貌，亦耐性解答我嘅問題 美食加上舒適環境，值得再來光顧

空間寬敞，環境亦寧靜。 價格略高，但物有所值。 蘑菇湯足料 意粉火候適中，Al Dante，調味亦剛好。 黎過幾次 推薦

我生日，行完街去左荃灣西食飯，如心商場開左好多新餐廳，呢一間玻璃屋裝修都幾靚，同埋見D野食都唔錯就行左入去試試呢間餐廳。呢間餐廳就係用手機scan QR code落order，就冇provide set去選擇，不過我地都揀左2個湯、2個Main同埋2個野飲同埋2個甜品。 法國蠔湯 好特別，出面好少有蠔湯，而且係真係用蠔打碎做湯，好濃味同埋好重蠔味，如果唔太中意蠔味同埋怕腥真係會唔中意飲呢一個湯，不過我同男朋友都係中意食蠔，不過都覺得呢個湯好重味。我覺得中意食蠔嘅朋友可以試下。 松露野菌濃湯 同樣都係好濃味而且個松露味好濃郁，加上有D菇打碎嘅口感，好好飲。 露絲瑪莉烤法國春雞配薯條 春雞好有驚喜好juicy，仲要係2隻脾位，完全冇好乾好柴嘅感覺，同埋係粗薯條好好食。唔點汁都已經好夠味，本身都有整到香料落春雞到，加個汁就可能會重味左少少。所以我都係就咁切黎食，相當juicy。 澳洲M5和牛西冷配薯條 西冷都好重牛味，不過就唔算好厚身，但係都大舊同埋油脂感都okay，唔會食到好油膩，但比起炸雞就冇咁驚喜。 熱情果青蘋果梳打 好fresh，唔會好甜，同平時D梳打都差唔多。 荔枝青檸鮮紅茶 青檸紅茶都唔會好甜，都係出面飲個D差唔多。 紐約芝士餅 & 法式焦糖燉蛋 Cheese cake同焦糖燉蛋都好好食，不過食到咁上下都好飽，不過真係好食。 Overall黎講，一入餐廳就冇咩人service，又冇人介紹有咩食個D，不過叫完食個陣真係好有驚喜，因為燒春雞同埋蠔湯最滿意，不過有機會都想試下其他。