香港葵涌｜Maruju Japanese Shokudo

上一次來丸十是吃鐵板燒，今次約友人再來是食大阪燒，仲要係DIY，好玩又好食。 丸十壽司盛合$298~有黑鯛魚，帶子，牡丹蝦，海膽和大拖羅5款高質壽司。 壽司飯亦是整件壽司的靈魂，丸十是香港首家「當店精米」餐廳，即在本店除去表層米糠，打磨成口感柔軟，香甜的精米，配合高質刺身，壽司的質素得以大大提升。 黑鯛魚~口感爽彈， 魚味濃郁。 帶子~ 爽甜嫩滑，美味。 牡丹蝦~好大隻，啖啖肉， 鮮甜彈牙。 海膽~ 質感細滑，帶海水味的甘甜，入口即溶。 大拖羅~ 柔嫩肥美，魚油豐富，魚味香濃，好好味呀！ 石燒西冷(150g)$198~自己牛扒自己煎！ 石板的温度十分高，所以不宜煎太久，美國西冷表面微焦，但肉質柔軟嫩滑，牛味香濃，肉汁豐富，好正！ DIY大阪燒$108~材料有芝士，節瓜，椰菜，薯片，木魚絲和大阪燒漿。 首先放入椰菜絲及大阪燒漿在容器上攪勻。 放適量的油，加熱後再添加攪拌好的漿到平鍋， 把薯片及節瓜碎放在椰菜上。 每邊加熱三分鐘，最後配上適量大阪醬燒汁及秘製蛋黃醬。 第一次DIY大阪燒，覺得唔係咁易煎得好靚，不過估唔到整體味道和口感也很豐富，配上酸酸甜甜的大阪醬燒汁， 美味蛋黃醬，木魚絲和海苔粉，確是十分滋味。 冷草莓抹茶拿鐵$55~草莓醬加上淡淡抹茶，又香甜，又清新。 冷抹茶紅豆拿鐵$55~紅豆又腍又大粒，配上香濃抹茶和幼滑忌廉，好美味。

丸十地方寬敞，一系列木制卡座，鐵板燒長吧枱，品酒桌等多個區域，，座位組合多樣化，食物種類更加係全天侯，壽司、刺身、鐵板燒樣樣都有，真係啱曬鍾意食日本野嘅我🥢 點咗份石燒西冷，火辣辣鐵板吱吱渣渣，粉嫩牛肉焦香撲鼻，靚扒躺平翻兩翻已經食得，料靚真係冇得輸，原汁原味已經好好味，$198.-呢個價位，相當合理👍 壽司盛合有五款，選料上乘，現場即制，刺身鮮甜，飯底美味，食落零舍唔同，正 餐廳推出$108.-自製大阪燒，所有食材執好晒俾你，自家製作，日式燒汁、沙律醬落多落少隨你喜歡，有得玩有得食特別開心，味道絕非一般😆😆😆 我哋唔飲酒，叫咗杯紅豆抹茶拿鐵，特大紅豆🫘軟綿綿，邪惡忌廉係飲品又係甜品, 成餐飯日系到底，價錢合理，招呼又唔錯，值得再來🍣🍱🥗

天氣涼左，要幫對囝囡去添置冬季衣服，最後決定去葵芳新都會廣場行下，而晚餐就揀左葵芳丸十。我哋一向都鍾意食日本菜，黎到呢度一次過滿足哂我哋個胃。食材新鮮，我囡話最好味係海膽，我囝就覺得串燒雞肉拼盤同牛舌最正。食完先發現我哋冇玩佢哋既抽中獎送食物遊戲，不過唔緊要，我哋下次一於睇清楚玩左先。整間餐廳地方夠大夠開揚，都坐得舒適。