香港荃灣｜校長燒肉日韓料理

有次跟朋友在大埔吃過這間分店的放題，覺得還不錯，今次經過荃灣，又看見這餐廳，便帶家人一試。這兒燒肉、火鍋、壽司、點心、沙律......包羅萬有！ 燒烤肉類種類繁多，豬、牛、羊、雞、海鮮、肉丸、香腸......一應俱全，而且全部醃好，十分入味。 有不同的火鍋湯底可以選擇，我們選擇了壽喜燒和豬骨湯底。 火鍋材料選擇有很多，我們主要吃蔬菜及丸類。值得一讚的是蔬菜十分新鮮，火鍋煮過後很鮮甜爽脆😍另外還有烏冬、韓國麵及螺絲粉供選擇。 炸物有春捲、洋蔥圈、麥樂雞、炸魚皮，還有響鈴可以用作打邊爐🤩 點心有蝦餃、燒賣、牛肉球、珍珠雞等。 沙律菜和甜品的款式也多得驚人，還有軟雪糕和糖果放題。 最令我驚喜的除了有青酒放題外，還有花茶放題，真是極少在放題或自助餐中見到！我炮製了玫瑰山楂紅棗茶，十分滋陰養顏♥️

任食任飲2小時。5點至7點前離開超划算，值得一讚的是另有長者優惠和服務員哥仔姐仔有禮貌👍

呢間日韓式自助燒肉店，烤肉款式包羅萬有，各款烤肉都醃製得相當入味，肉質鮮嫩，厚薄適中，推介包括：黑椒一口牛、土匪雞中翼、麻辣雞扒、香辣豬頸肉、醬燒雞腎片、韓式豬肋骨、香草魚柳同魷魚鬚！值得一讚嘅係燒烤盤上，會附上一張牛油紙，讓烤肉時唔會咁易烤燶同黐底，而且店員會主動不時更換，非常細心！ 除咗烤肉外，餐廳仲會提供火鍋料理，更有四款湯底任君選擇，包括日式豬骨湯、四川麻辣湯、壽喜燒湯同埋清湯，自由配搭。火鍋配料除咗必備嘅肥牛外，更有多款肉丸、香腸，蔬菜等選擇，我最喜愛係佢嘅帆立貝粒、麻吉燒同日式小甜薯！ 因為我哋食嘅係黃金時段，$248/2小時，故仲可以任食多款刺身，包括有虎蝦、響螺片、三文魚、八爪魚、希靈魚、玉子、仿蟹柳條、仿鮑片、馬刀貝，而且各款刺身都非常新甜、絕不會將貨就價，三文魚更是厚切，齋食刺身已經抵晒，非常超值！ 此外，餐廳仲有多款熱食同點心供應，重點推介包括各式燒味、蒸魚、茄汁大蝦、辣酒煮花螺、蝦餃同糯米雞！ 自助飲品區更提供各款自助式的美顏養生花茶，熱樽裝維他奶、以至三十多款紙包同罐裝飲品，任君選擇！甜品方面，除咗有好多款牌子嘅雪糕同雪條外，講得出嘅甜品如啫喱、紅豆沙、涼粉、布甸、生果、蛋糕等都可以喺呢度食到！ 兩小時嘅用餐真喺好快過，整體餐廳嘅環境非常舒適，座位寬敞，因為餐廳深受年青客歡迎，亦讓我感受到年輕人之間的友情和溫暖。如果你想同我哋一樣回到校園時光，享受美食和歡樂時刻，呢度絕對喺一個好地方。此外，餐廳嘅服務員也非常熱情和友好，為食客提供周到的服務。最後，值得一讚嘅係佢嘅洗手間非常乾淨，乾爽衛生，而且仲用上Q A C消毒殺菌制清潔，有效對抗冠狀病毒，咁大家就食得開心又放心啦！