香港荃灣｜神石燒牛扒專門店（如心廣場店）

石燒保持牛肉溫度，優惠價a5和牛超抵，牛脂好香甜

周末在家偷懶了一天， 決定和先生經海旁散步到荃灣西， 順便食埋晚飯再回家。😆 先生想食牛扒，而我想食羊扒....😜 經過如心廣場二期『神石燒』，發現除可單點外，竟然有包括豬，牛，羊，海鮮的二人套餐，價錢仲要唔貴。🤩 $525 就有A5 和牛， 極黑豚，頂級羊扒， 安格斯同海鮮，好開心😃💋💋 我們選了「日本佐賀和牛二人前」$525 🚩日本佐賀A5黑毛和牛100g 🚩美國極黑豚200g 🚩美洲頂級羊扒120g 🚩美國黑安格斯牛膈肌200g 🚩北海道珍寶帶子2 隻 🚩日本清酒煮蜆 好多野食呀～～～🤹‍♀️🤹‍♀️ 除了A5 和牛吸引外，店內仲可以免費無限添加白飯，日式麵豉湯，微辣韓式泡菜牛肉湯， 薯仔沙律和芝麻醬蔬菜沙律，性價比極高。😎 最先上枱有極黑豚，頂級羊扒同安格斯牛膈肌，全部都已預先煎至半熟， 切小塊煎一陣，就食得，非常方便。仲有北海道帶子同清酒煮蜆，好豐富呀 ！！！🍻 接著上枱的是「日本鹿兒島A5和牛肉眼」， 一樣好靚～～❤️ 「鹿兒島A5和牛肉眼」色澤鮮紅，油花豐富，放在熱石上輕煎幾秒就食得，入口牛味不算太濃，勝在肉質超級軟淋。👍 食羊扒最怕羊騷味重同肉質好韌， 這款「美洲頂級羊扒」煎好入口香噴噴，肉質柔軟又美味，基乎無羊騷味，不愧為頂級羊扒。🥰 先生最中意食牛，這塊「美國黑安格斯牛膈肌」正合他意，面層煎得金黃的牛膈肌放到熱石煎一煎，剛好就是5 成熟，牛肉味道濃厚，而且肉汁豐盈，絕對出色。🥳 一直鐘情SRF極黑牛，估唔到SRF 「美國極黑毛豬」，同樣有水準，豬扒較為厚身，但唔會韌，肉味同質感都優等。🤹‍♀️🤹‍♀️ 由於我中意食較熟的肉肉，所以我的部份，都切得細細，方便掌控熟成度，沾上餐廳提供的岩鹽， 生薑燒汁後，送飯食真係一流，熱石即燒即食，好香口。👍 原本只係散步順便晚餐，但估唔到都俾到我大大的驚喜，整個二人餐除清酒煮蜆味道較為普通外，豬牛羊都很出色，而且麵豉湯和泡菜牛肉湯任飲，食完真係好滿足，下次再試另外2 款套餐。🥳 🚩神石燒牛扒水產專門店 (如心廣場) @jinseki.steak 荃灣大河道98號如心廣場二期2樓206號舖

食店面積不大，約30多個位，非常有日式風味，全店採用自助式，在門口有部日式的售票機，選好餐後便自己在售票機付款，對於常去日本自由行的客人應該冇問題，但對其他人就有點不方便，所以門口有店員幫忙點餐和收錢，付款後，便可進入店內。 套餐包白飯，前菜和湯，我吃的那天前菜有兩款：沙律菜和粟米紅腰豆，有時會不同款，湯亦有兩款：味噌湯和泡菜牛肉湯，全部可以加添。 我在這裡吃過多次午餐，若在平日約$70起跳，假日貴一點點，但扒的份量亦算足够，除非你是勁大食的人。牛扒的質素相當高，而且有很多選擇，美國牛，日本牛都有，亦有豬扒，魚類，海鮮等，你可以因應自己的喜好和價錢選擇。就算選擇平價的餐，牛肉的質素都比一些中等價位的港式西餐廳好得多，個人認為性價比極高。 至於服務，這是一間自助式餐廳，我認為不可要求太多，其實這家店的在送餐和收拾時都頗有禮貌。