香港荃灣｜Cup of…

又新開一間健康水果茶專門店，開係荃灣最旺掃街區路德圍，天呀！終於唔洗再飲貢茶 😂 飲住水果茶，掃住地健康 🤘🏿 黎到當然要叫返杯招牌 #綜合水果茶 啦，有分 2 隻大細，700cc 同 1000cc，分別為 $38 同 $45，圖中為 700cc，已經係好大好大杯，大概算係我飲過最抵飲既水果茶，水果茶入面有番石榴、百香果、橙、芒果、青檸檬、菠蘿、西瓜、火龍果、士多啤梨，超多水果，可以想像個杯有幾大 🤘🏿 茶底可以選擇紅茶、綠茶或烏龍茶，我就揀左紅茶，飲落去既味道係帶有果味既康師傅冰紅茶 😂 飲完之後仲未完喔，可以落由店鋪提供既梅子粉係生果到，食完真係飯都唔洗食，健康糧尾之選 🤤🤤🤤 身為榴槤怪既我當然要飲埋有榴槤既野啦 🤘🏿 #榴槤晶晶奶蓋茶 一樣茶底可以選擇紅茶、綠茶或烏龍茶，呢杯就揀左綠茶，咁個味就冇紅茶咁甜，會中意同推薦綠茶做茶底，成杯有 3 分之 1 杯多啲都係奶蓋，而呢杯奶蓋茶入面有一球真榴槤肉同可以咬下既小爆珠，而杯茶既榴槤味亦唔算重，有進步既空間，整體黎講想飲質素既話茶芝味可以話係完勝，但講平講抵飲質素又唔算差既話，可以試下呢間，真係好大杯下 🤘🏿 P.S. 飲水果茶記得帶埋朋友去，飲淨比佢飲 🤤 —————————————————————— #榴槤晶晶奶蓋茶 $35 #綜合水果茶 $38

《 唔知以為攞住電筒出街⋯荃灣950ml特大茶飲🧋 》 無啊，我又口渴搵野飲啦。諗住買大杯啲慢慢飲，點知店員竟然攞出四杯「大電筒出黎」？ 🍓草莓星球 $48 奶蓋帶鹹味，味道唔錯。飲品嘅草莓味好濃厚配埋鮮奶同果蓉入口口感好順滑，莓味十足，同時星球系列飲品仲配星型啫喱夾返主題，有得飲又有得食。我最欣賞係甜度適中，當飯黎甜品咁飲一流。 🥭 桃芒星球 $48 以兩款味道咁突出嘅水果配搭黎做茶飲表現都唔錯。桃嘅甜味配芒果濃濃果肉口感，入口酸酸甜甜幾解膩仲好有飽足感。再配搭埋星型啫喱有得飲有得食。 🍓草莓more more茶 $45 其實草莓配茶嘅味道的確唔錯，茶嘅清香苦澀味夾草莓嘅微酸香甜，入口清新解渴。 🍑 奶蓋川靈蜜桃紅茶 $38 哩杯呢，其實係將蜜桃紅茶改名加長，味道同坊間蜜桃紅茶無異，不多作介紹了。 ❗️提外話：如果你地選擇外賣就真係要小心，因為飲品杯好高身而飲品座好淺，所以一定裝唔實好易反。同埋杯蓋膠邊比較脆弱易爆，拎得唔好會漏。大家留意返啦，唔係就要托住個兜咁拎走啦。🥲 #荃灣美食 #荃灣手搖 #伏遊荃灣 📍Cup Of... (荃灣) 荃灣昌泰街5號富榮大廈地下1號舖

夏日炎炎，飲杯水果茶好解渴🍉🍇🍍 招牌重量級水果茶茉莉綠茶$45 茶味夠香濃，水果新鮮，附上酸梅粉用來點水果，很特別。 菠蘿芒果more more 茶$45 半杯果肉，好足料，略為甜了小小。 草莓星球 $37 中杯 （士多啤梨奶蓋、 鮮奶、爆珠，啫喱、草莓肉） 奶味比較重，底部有爆珠及星星形狀啫喱，甜度剛剛好