香港旺角｜Maruju Sushi Japanese Shokudo

喺朗豪坊行完街，搵到呢間丸十食堂，裝修寬敞光猛，坐得幾舒服～ 呢度可以電話落單，方便～見到有個好得意，九宮格嘅波波球壽司「手鞠壽司」，擺盤真係好精緻，忍唔住影多幾張相，醋飯調配得酸度剛好，海膽新鮮、帶子厚肉鮮味～ 另一個造型特別嘅「一葉舟」刺身飯，滿足晒食唔同刺身飯嘅願望，用紫菜包飯食，可以自己動下手，幾好玩～吞拿魚蓉軟綿幼細香滑～ 想食下熟食，order幾串串燒，有一個拼盤「雞之盛宴」，有5款不同嘅雞肉串燒，燒雞皮好脆口，唔油膩～雞軟骨爽口好嚼～ 飲返杯梳打冰涼下，水果清甜好飲～

之前經過已經好想入黎呢間餐廳食，今晚男朋友終帶我黎食啦超級開心！🤩🤩 首先starter一定係食豐州直送刺身拼盤5點，由廚師決定當日最新鮮既刺身食材，賣相又靚又好味，拖羅一啲都唔腥，油脂分佈平均，餐廳醬油味道剛好，唔會太鹹而蓋過刺身既鮮味，加埋芥末係perfect match，大赤蝦好正因為有好多蝦膏！赤貝爽口清甜！😍😍 丸十壽司盛合一定要提海膽壽司， 入口滑嫩溶化既口感，淡淡既海水，幸福感爆登❤️❤️ 熟食都煮得出色，櫻花蝦烏冬湯底超濃郁蝦味，好好飲，烏冬又彈牙，男朋友則食左溫泉玉子半燒和牛肉丼，和牛配燒汁惹味，拌飯一流，唔怕乾口👍👍

位於朗豪坊嘅丸十食堂，啱晒一班shopping友喺附近行完街就上嚟食。 係炎熱嘅夏天，即刻叫返隻杯芒果梳打解解渴， 之後叫咗個手鞠壽司，九格壽司細細件好好特別，如果帶小朋友黎佢一定好鐘意！壽司方面有海、三文魚、吞拿魚、帶子等等，非常岩大眾口味！ 今晚本身有啲肚餓想叫佢丼飯食，不過就見到有一個非常之特別嘅飯，就係一葉舟，係一個碎魚生同飯，自己用紫菜包黎食，好似手卷咁，自己包真係第一次，叫左五品魚生，可以有唔同配搭唔同口感！ 之後仲要錯過串燒雞之盛宴，有雞軟骨、雞皮、雞翼、雞肉串等等，燒得好香口，非常唔錯！