香港觀塘｜Hibiki Japanese Restaurant

環境舒適，午餐種類多，價錢平民化。 特選魚生飯有鮮美嘅甜蝦，油脂飽滿嘅三文魚同油甘魚，蛋、芥末八爪魚，味道鮮美，好新鮮，好味😋 十分滿足嘅午餐呢！

出左消費券又可以去食好嘢啦，今日收早同同事放工一齊去食，我地食早場，價錢比較抵食。 飲品種類多，仲有酒添，梅酒幾好飲。 一坐低先遞上刺身拼盤，有三文魚，油甘魚，牡丹蝦，劍魚腩，帶子，北寄貝，八爪魚同生蠔，刺身好新鮮，鮮甜無腥味，最中意牡丹蝦鮮甜爽口，油甘魚魚油香濃。 再黎就係燒肉拼盤，肉類款式多，另外餐牌仲有其他，有牛肉，雞肉，豬肉，羊肉。 美國肉眼好大塊，店員話唔洗燒咁耐，肉味濃郁，一點都唔韌。 虎蝦大隻，肉質爽口結實。 天婦羅粉漿薄，最中意年糕同芋圓，encorn左好多件，熱辣辣煙煙韌韌，甜度適中。 燒菠蘿超甜，好味。 燒雞腎，有咬口，無腥味。

地方寬敞，食品價格相宜，豐儉由人， 食材亦非常新鮮，仲有小小娛樂設施如 darts機， 美式桌球枱，對有小朋友嘅家庭聚會非常合宜