香港觀塘｜Tenohira Sushi

今次呢間壽司店經ig info link book位 午餐有8折 幾個朋友都推介呢間CP高 所以就黎試一試 座位闊落舒適 枱與枱之間有屏風分隔 私隱度高👍🏻 我地兩個人叫左一樣既定食 包括6件壽司、蜆湯、#茶碗蒸 、#沙律菜 最後一項係自選 我地分別揀左角切魚生飯同碎蔥吞拿魚蓉飯 6件壽司好大件 魚生鮮甜😋 我自選係碎蔥吞拿魚蓉飯 吞拿魚蓉冇筋唔腥 算新鮮👍🏻 定食內既其他項目味道正常 整體定食夠食 非常滿足 🙋🏻‍♀️🙋🏻‍♀️下次一定會再黎食 佢都幾full 有興趣既朋友記得book位 用餐日期：2023.08.31

【想試好耐嘅壽司】 ▫️油甘魚刺身& 日本活赤貝 油甘魚入口溶化，果種油香味係我最愛。赤貝好鮮味爽口，微微嘅咸味更帶出鮮甜 ▫️碎蔥吞拿魚茸海膽最中餅 出奇地好味！花型脆餅夾住刺身，有創意得黎又夾到。打破壽司嘅規限，又提升到海膽同吞拿魚嘅口感。配埋紫蘇葉同三文魚籽，味道豐富 ▫️芝士鰻魚卷 好濃郁既芝士味，中間夾住青瓜絲，平衡芝士既油膩感 ▫️大蔥雞肉串 嘩，好大舊大蔥呀，好juicy 好甜，為呢個雞肉串加左好多分 ▫️燒帆立貝 & 燒牛舌 厚燒牛舌一向係我的最愛，厚得黎唔韌，燒汁甜甜地，好滋味。帆立貝保留好多肉汁，燒到啱啱好，唔過火 ▫️滑蛋吉列豬柳飯 同平時餵開嘅滑蛋豬唔同。吉豬皮脆，加埋秘制汁，酸酸地，咸咸地，食極都唔膩。飯又粒粒分明，有少少咬口，食晒成碗都唔覺 甜品食埋雪糕就好完滿喇！芝麻雪糕同埋薑汁豆腐雪糕 📍掌壽司 (觀塘) 觀塘開源道60號駱駝漆大廈3座5樓U室 #foodie #food #foodpic #foodphoto #yummy #delicious #tasty #hkfood #香港美食 #美食 #hkig #ighk #掌壽司 #觀塘 #日式 #壽司 #最中餅 #大蔥雞肉串 #滑蛋吉列豬柳飯

相聚一刻的好地方 😃 觀塘～掌壽司 # 餐廳環境清幽、食材優質，一邊嘆日式美食，一邊與好友暢談，真係人生一大樂事！😘 # 帆立貝沙律 ～ 有車厘茄、蓮藕片、沙律菜、櫻花蝦乾、船蒜、乾蔥、紫菜，用黑醋撈勻一齊食，真係👍🏻😋 # 無糖白桃烏龍茶 ～ 淡淡香氣又解渴 😚 # 刺身盛 ～ 鰹魚、油甘魚、拖羅、赤蝦、飽魚、海膽，款款刺身都非常鮮甜可口，🦐好大隻又爽甜，尤其鮮甜海膽用脆脆紫菜包住嚟食，簡直係人間極品！👍🏻🤩 # 壽司盛 ～ 池魚、碎蔥吞拿魚茸、帆立貝壽司，刺身鮮甜唔在講，飯糰又煙韌又有咬口，真係回味無窮！👍🏻😍 # 鹽燒魚鮫 ～ 魚皮煎到脆卜卜又甘香，魚肉嫩滑！👍🏻😄 # 鍋物 ～ 澳洲和牛、北海道豚肉，肉質嫩滑，配料雜菜又多！👍🏻😘 # 甜品 ～ 芝麻雪糕，芝麻味夠香，雪糕質地軟滑，食完令呢餐劃上完美句號！👅💯 # 每位連加一 $504