香港觀塘｜Tosu 鳥棲日本料理

官塘嘅工商廈區真係有好多上樓嘅隱世小店，試極都試唔完😋 今次蕃薯妹去呢間日本菜，同樣係唔可以被埋沒嘅隱世高質小店🥰 佢位於超多食店嘅駱駝漆大廈3座，雖然唔係街鋪，但係門面都略花咗少少心思，有一幅好靚嘅花草牆招牌☺️ 一上到嚟就留意倒佢。 餐廳內坐位好舒適，全部都係軟綿綿嘅厚沙發椅，真係值得一讚👍🏻 食飯坐得舒服都好重要🥰 呢度嘅菜式同一般日式居酒屋差唔多，一品料理、串燒、鍋物、燒烤、拉麵等等都一應俱全🥗🍜🍲🍢 特別一提我鐘意佢嘅點餐系統，掃code用手機📱落單，而且好多細心嘅紅項俾食客選擇，例如飲品可以剔「少冰」、鰻魚飯可以剔「走芝麻」、他他醬魷魚圈可以剔「多醬」等等……😋🥰 🍹綠薄荷富士山 $35 薄荷梳打+滑滑嘅雲呢拿雪糕🍦 個樣仲好靚，入面有塊著燈嘅冰塊🧊 打咭一流😌 好飲又好睇～ 🐮牛肉他他燒 $92 嚟之前我已經諗定一定要食呢個他他燒😂見到OP入邊嘅相片，完全零抵抗力😮‍💨 超吸引！果然冇令我失望😋 雖然比想像中細片，但係牛肉刺身真係好正😆 他他燒仲要係微微燒咗條邊，比平時牛肉刺身更香口，夾埋蔥花同埋洋蔥一齊食，正吖🤤 🐣月見免治雞肉 $58 蒸肉餅食得多，第一次食雞肉餅😆 呢個免治雞肉餅加咗月見汁，類似壽喜燒汁味嘅甜醬油+生雞蛋黃，撈埋食好好味，餸飯一流🍚 🐟原條鰻魚炒飯 $128 真係原條鰻魚啊😍又大條又夠厚身😋 🦑他他醬魷魚圈 $58 彈牙嘅魷魚圈配上有碎蛋嘅他他醬，炸得香脆好好味😋 🥗牛油果蟹子沙律 $52 青瓜絲+蟹柳絲+蟹籽+沙律菜，一般蟹子沙律做法，特別在佢有我至愛嘅牛油果🥑🥰

#cassiegokwuntong - 觀塘搵好嘢食多數都會去APM，有朋友住觀塘介紹我去駱駝漆大廈都有好多特色餐廳可以試吓。今次試吓駱駝漆大廈3座5樓嘅「鳥棲」日本餐廳，都幾多人去食，8pm幾左右要開始等位，建議大家可以預先訂位。👍🏿 - 網上見到人地介紹飲品有個富士山系列一定要叫，果然真係好正。我叫咗藍桔富士林，味道似波子汽水，幾好飲！一開始驚好甜或者好凍，但結果都無，甜度適中，加埋個Vanilla雪糕，打卡一流，一定要叫！😋 - 另外今次瘦編同朋友唔係好肚餓，所以主打食小食同串燒，餐廳都有主食揀，下次再試。醬燒茄子好好食，味道清甜。牛舌串燒口感脆嫩，有嚼勁。蒜燒廣島蠔唔算好大隻，但肉身夠厚夠飽滿，肉質鮮甜，口感滑溜，加上蒜燒好惹味！🦪 - 味道評分▶️🌕🌕🌕🌕🌑 (4) 抵食評分▶️🌕🌕🌕🌕🌕 (5) 回購評分▶️🌕🌕🌕🌕🌑 (4) - ➡️ 鳥棲日本料理 📍 觀塘開源道60號駱駝漆大廈3座5樓S舖 - IG: @cassiecwy/ @cassiegetfat FB: @cassiegotravel OP: cuisine_revolution (Lv4) DianPing: cassiegetfat (Lv6) TripAdvisor: cwycassie

約咗朋友去觀塘嘅工業大廈shopping購物，經過見到呢間鋪頭門面幾靚，就入咗去試吓，估唔到撞手神都遇到間咁好嘅居酒屋🏮 . 首先入到去見到超靚嘅梳化🛋️同卡位！地方闊落，真係坐得好舒服😌入面係日式居酒屋裝修👍🏻 . 菜單嘅食物種類選擇多，前菜點咗芝士明太子蛋卷$38：明太子爽脆口感，加埋芝士蛋卷味道夾。 牛油果🥑蟹杍沙律$48，足料的牛油果，開胃。 . 【自慢燒肉系列】首先會想一個日式嘅小爐，自己親手燒肉，好玩又好食😋而且仲好有日本嘅風味💮 葱塩雞肉$62：靚雞肉。烤肉汁羊肉片$62：非常推介呢個，羊肉片不肥不瘦有好感，由於係親手自己笑，熟嘅程度可以自己調校👍🏻 . 飲品方面，我哋揀咗【特飲系列】。 粉紅色的洛神富士山$35 、藍色的藍桔富士山$35，但他非常適合！係梳打飲品上面有個好靚嘅雪糕球，望落就好似富士山一樣咁靚😍 . 最後要點一個甜品呢一餐先叫完美！🌸櫻花水信玄餅$38，賣相真係好靚，入面放咗一粒好完整嘅櫻花🌸，而出面就加咗啲淡淡甜美嘅黑糖😋 . 總括來講呢個價錢同食物質素都非常之好同埋抵食！而且服務員態度好好，超貼心🥰有機會再嚟幫襯!