香港鰂魚涌｜Camper's

港島區人氣名物！🧡地表最強豬軟骨😍 終於要嚟同大家分享我最愛嘅香港餐廳之一😝🥰認真講，香港冇乜餐廳係令我食完會回頭😳但呢間餐廳係我每次去親鰂魚涌都必食嘅飯堂！！🥰❤️身為豬軟骨控嘅我，會話佢係全香港最好食同最抵食嘅豬軟骨🥹！必食呀～餐廳主打日式家常料理，店裡面位置唔算多，lunch time嚟都要排隊㗎～ 🌟豬軟骨七小時煮沙律🥗 $80 呢個沙律係生酮人士/減肥人士嘅恩物！😍成日出街都唔想食飯/麵，而呢度就可以揀沙律菜底🥗💕食過幾次仲覺得叫沙律菜嘅話豬軟骨份量會多啲🤫豬軟骨份量真係超 誇 張！足足有3-4舊，而且每舊嘅大細都可以用「扒」去形容😂因為真係超大舊！可以話係出面餐廳嘅2倍🤭仲要佢哋嘅豬軟骨係每日用七小時慢煮，唔單止好入味，而且軟骨位係完全變成半透明，呈啫喱狀🥹❤️食落就係啖啖骨膠原，淋到咬都唔使咬！🥹💕真係正到癲咗😭最過份係肉嘅部份唔會因為煮咗好耐而變到好乾好鞋，咬落去都仲好淋🥺🧡每啖都有幸福嘅感覺😭而且沙律菜份量都好多好多，包你食完仲飽過食澱粉❣️🤣 🌟溏心蛋肥牛烏冬 $74 (+$18 配7種野菜) 呢個係朋友叫嘅～上枱仍然係大碗到嚇死人🤣(真的是怕客人食唔飽嗎🥹!!) 肥牛份量好多！佔咗碗野面積嘅七成🤫😮烏冬好煙韌，湯底較清，唔會有味精湯嘅感覺～另外加錢配7種野菜，份量又係多到嚇親人🤣大量嘅西蘭花🥦、紅蘿蔔🥕、薯仔🥔、椰菜、車厘茄、翠玉瓜等🫣超豐富🧡懷疑走烏冬都可以飽死😝健康又好味～ 🌟冷凍焙茶 (跟餐+$3) 跟餐+$3就有焙茶飲～而且冷熱同價！💕焙茶味唔算好濃，但解膩一流～ 總括嚟講，呢間真係超值得回頭嘅小店🥹仲要全日免加一！❤️❤️永遠都食唔厭！🫶🏻豬軟骨控必嚟！餐廳仲出名食招牌嘅豬軟骨咖喱烏冬/飯🍛不過因為餐廳位置真係有限，所以人齊先可以入座！而且佢哋lunch開到3點㗎咋～到夜晚先會再開返晚市😉 加一服務費：❎ 回頭率：❤️❤️❤️❤️❤️ (5個❤️為滿分) 📍地址：坐忘 (鰂魚涌) 鰂魚涌濱海街13號中興大廈地下

慢煮豬軟骨真係超級正，我認為係全香港最正，正到每隔幾日你就會掛住，好想再食

難得去鰂魚涌上網找有甚麼好吃，結果發現這間好評日式咖喱店，看到有素食15種一日野菜咖喱飯就勁想試，真係無令人失望呢！ 15種一日野菜350g咖喱飯 HK$65 +溏心蛋 HK$8 這個咖喱飯真係好吸引，我吃的時候有好認真數過夠唔夠15種蔬菜，所以這天的內容有：車厘茄、紫洋蔥、角豆、紅蘿蔔、椰菜花、西蘭花、翠玉肉、茄子、蓮藕、薯仔、南瓜、彩椒、粟米和西芹，希望我無數漏啦。部分蔬菜只有一粒或一條都幾搞笑，最多的是薯仔、紅蘿蔔和茄子。這個日式咖喱汁超濃厚，而且它不是很甜那種日本咖喱，有微微辣度有香氣。日本米又好好食，溏心蛋的蛋黃係果凍狀，整碟都真係好日本風味，絕對係好似去左日本咁，唔怪得咁受歡迎。