香港銅鑼灣｜Sushi yorokobu 鮨㐂

醍 $1580 食評文字十分豐富，如果肚餓的話，可快速參考以下簡介內容: 這間店舖的omakase，師傳絕對是用心製作，擅長運用不同配料帶出刺身或其他食物的特質，如果喜歡嘗試配搭不同，刺激味蕾的話，你們絕對值得一試。 三品前菜 順序吃的前菜 炸白蝦 (脆口而上面有少許鹽, 大讚) 蒸蛋(凍食)上面加三文魚籽 時令栗子配罌粟子 (超甜，好大粒) 酒肴6品 海葡萄海帶配醋有少許柚子皮 是沖繩的感覺呀！海葡萄是脆的，非常新鮮。 魚 太刀魚表面略火炙上面有萬能葱 略火炙之後，更容易感受到油份， 上面嘅葱真係十分新鮮，每一粒都不可浪費 金目鯛卷住芽葱入面有魚肝 師父說魚肝略燒，帶出油份，加埋芽葱及金目鯛一起食，是一個比較新款的食法，我只可以表示十分同意 右口魚面有麵豉及腐竹 口是側向右面的右口魚，加入麵豉少許甜味，食法又幾特別 樽菜海膽魚子 (北海道馬糞海膽) 食的時候需要拌勻 這個配搭十分聰明，樽菜外層有好像啫喱一樣， 海膽級數高，超甜， 三文魚是鹹鹹的，混在一起吃，味道十分平衡。大愛 柚子酸汁粒貝(上面有少許柚子碎) 一上枱已經柚子香味撲鼻，螺片十分爽，而一吃已經有淡淡的柚子味，酸加上螺片的甜，秋日的風格 汁煮北海道鮑魚 淋，入味，好味道，日本鮑魚好像每一次食都不會失望 秋刀魚生熟兩味 熟嘅秋刀魚上面有wasabi同蘿蔔漬酸汁 生嘅秋刀魚上面有蔥蓉同洋蔥汁 配日本炸菜 秋天真的要吃秋刀魚，秋天最肥，個人建議加少許紫蘇葉花在刺身上面，更好吃。我喜歡刺身多一點，因為味道比較清新。特別發現，原來日本炸菜是如此 鰹魚略燒夾蒜片， 醃漬鰹魚黃芥辣，鰹魚刺身，20日大根(20日便拿去做漬物) 鰹魚反而燒一燒後更好味道， 應該是油份遇上火燒後發揮出來。 蒜片香咪十足，用來點綴鰹魚味道，感覺特別。 御料理 香雙蟹，雌性松葉蟹 蟹子， 蟹棒，蟹膏 可以按個人喜好隨意發揮，如果覺得味道不夠的話，可以沾旁邊師傅用蟹殼淆製而成的醬汁，好奇之下，摸一摸醬汁，原來是熱的。 原來蟹都附有出產地的證書 (食蟹人手拆肉真是幸福，而最美妙的是一啖可以食到全隻蟹，還有蟹子的爽脆。) 廚師發板壽司七件 小白蝦壽司，人手剝，上面有柚子碎 日本倉魚，上面有少許wasabi 針魚，上面有葱花及薑未 赤鯥魚，上面有蒜未 毛蟹海膽壽司 大Toro, 紫菜夾 (wasabi，洋蔥醬，芝麻) 醃制熟成鲭魚卷 (茗荷，紫蘇葉(大葉)，昆布) 意想不到，重味的蒜蓉竟然可以跟壽司咁配搭， 赤鯥魚會突然吃到眼睛發亮的壽司@@ 大拖羅當然是冇得頂 另外外觀的有鯖魚卷，應該是其他配料發揮出襯托的功能，令到新鮮的鯖魚，眼前一亮 湯 松茸雞湯，裏面還有小柱和松茸 一個很清的湯。 吃完壽司， 可以飲一啖熱湯，不錯的選擇。 甜品 煎茶布甸 師傅自家製作，十分贊，茶味超濃，布甸超滑，真想要求來多一客

銅鑼灣呢間係近期食過嘅omakase之中，我覺得最出色嘅，而且價錢合理，推介。 前菜嘅沙律入面有我好鍾意食嘅白粟米，海膽非常滑溜鮮甜。 蟹肉蒸蛋 裝飾到好似一件藝術品咁，除咗用一絲絲嘅蟹肉外，亦用上蟹粉，令成個蒸蛋蟹味更濃。 帶子 好厚肉，輕輕以醬油調味提鮮，食到佢嘅肥美同鮮嫩。 白蝦 第一次食白蝦，超好食！白蝦好細隻，所以要鋪滿一件壽司，應該要十幾二十隻先夠。白蝦較淡味，所以白蝦上面有岩鹽同柚子提鮮。蝦肉軟身，食落口好綿。入口有融化感覺，唔係啲蝦融化，係我融化了。 金目鯛 魚味濃郁，肉質細緻，油份適中，食落好鮮美。 深海池魚 近期我都幾鍾意食厚切嘅深海池魚，魚肉爽嫩鮮美，油香豐富，面頭以柚子提味，食落味道更澴郁。 鳥貝 大大片嘅鳥貝，顏色鮮豔，望落好吸引，食落口感好爽口，質感實在。 赤鯥 第一次食，魚皮同肉都好嫩滑，有點黏。火炙完，帶有微微燒過嘅香，油份重。 平政 出面比較少食到嘅魚之一，配上柚子，食落感覺清爽。 毛蟹海膽 呢件我好喜歡，口感好豐富，一絲絲嘅毛蟹配搭上好creamy嘅 大拖羅 好香魚油味，食落無筋，入口溶化。 魚湯 味道濃郁帶淡淡魚嘅甜味。 芝士雪糕 連碗都雪凍咗，好貼心，芝士味唔會太濃太overwhelming。 需加一服務費，埋單2人約$960。

近日朋友愛上了食日本野，就介紹左一間銅鑼灣的日本餐廳給我，呢個朋友食開好野，唔係都唔會介紹比人，這間餐廳便是鮨㐂。 一來到已看到整個餐廳以簡潔的裝潢作本，開放式廚房，讓客人師傅可以作簡單的交流外，更可欣賞到師傅純熟細膩的刀工。 這次我們便選擇了廚師發辦 九件壽司定食($438)。當中已附前菜、沙律、季節茶碗蒸、鯛魚濃沙湯及甜品。 蕃茄啫哩質感滑嘟嘟而清甜，配上海膽更顯其鮮味。 爽脆的沙律加入黑加侖子汁的車厘茄，以及風乾了的香脆冬菇，令平平無奇的沙律變得色彩繽紛，味道更豐富。 蟹肉茶碗蒸，入口嫩滑鮮甜。 壽司九貫 小白蝦壽司白蝦細細隻，膠質重，且入口嫩滑鮮甜。 右口魚壽司刺肉質有少少結實，味道清爽，加上了少少葱碎更能帶出魚的鮮味 帶子壽司鮮甜豐厚，掃上豉油後，更顯爽滑鮮甜。 深海池魚壽司肉質更結實、非常爽口、魚味濃郁。 剝皮魚+魚肝壽司 剝皮魚肉質爽彈帶點韌性、味道鮮甜；魚肝味道濃郁，口感細滑；夾在一起吃油而不膩，原本較為膩口的魚肝與清爽的剝皮魚正好配成一對。 池魚壽司魚味濃，肉質爽口。 赤鯥壽司經過火炙後，把魚油逼出，油香四溢，赤鯥肉質柔軟，香味十足。 海膽壽司入口清甜、質感幼滑，味道濃厚。 拖羅壽司油脂分佈均勻，魚味濃郁，油香在口腔內良久不散。 熱辣辣的鯛魚濃湯，味道鮮甜濃郁(重點是全無腥味)。 甜品 - 咖啡/雪糕 今天的是開心果雪糕，雪糕中粒粒果肉，口感順滑，甜度適中，亦為這次廚師發辦作一個完美的句號。