香港尖沙咀｜Flame Japanese Cuisine

難得阿女番全日，仲要放好晏添，除咗有Me Time, 仲有就係又可以搵我嘅美食 buddy 去食好嘢啦！ 今次就嚟到焱丸水產，佢係香港首間海鮮磯燒元祖店，型式同日本嘅海鮮磯燒店一樣❤️有多款活海鮮選擇🐡🦀入到餐廳，見到日本本地魚市場，掛上漁旗同日式海報等，完全還原日本嘅食店環境。 呢度食燒海鮮唔使自己出手，有店員埋枱服務，有得睇有得食，真係夠晒relax! 🍴芝士蟹肉甲羅燒、黑松露蟹肉甲羅燒 嚟到一定要叫甲羅燒🦀蟹膏融合蟹籽、鵪鶉蛋、蟹肉、黑松露/芝士等，蟹味濃郁無俾其他配料遮蓋👍🏻拌入青瓜絲食落感覺清新，另有一番風味。 🍴鮑魚殼燒 剛上枱嘅鮑魚非常新鮮仲郁㗎！ 店員將鮑魚燒得剛好離殼👍🏻肉質鮮嫩彈牙，鮑魚味道鮮甜，厚肉煙韌真係令人回味 🍴什錦天婦羅 熱呼呼天婦羅：炸蝦、南瓜、蕃薯、魚、青椒等，非常酥香可口一啲都唔覺油膩。我鍾意食炸蝦🍤 炸得薄身之餘香酥清脆，忍唔住一啖又一啖。 🍴超豪華12件壽司盛 午市套餐包含茶碗蒸、沙律、芝麻醬豆腐、面豉湯，非常豐富🍱 壽司盛有12件唔同款式嘅壽司，例如吞拿魚、吞拿魚蓉、海膽、三文魚籽、拖羅、三文魚腩、海膽、牡丹蝦、帶子、三文魚籽等等，每款用料都好新鮮。特別推介西冷牛肉壽司，牛肉燒成半熟狀態，牛味濃郁😋 🍴秋刀魚刺身 秋天時令嘅原條秋刀魚刺身，擺設精美，肉質結實， 配搭蔥油食落鮮味無窮🐟 🍴冰菠蘿燒酎 飲品夠晒大杯，飲落有蜜甜嘅菠蘿香，清新解渴🍹

焱丸水產 出咗院已經食咗好多好西，呢間都係一直bookmark咗好耐嘅日式居酒屋，主打浜燒海鮮，店內裝修走日式居酒屋風格，不過呢間門外都係有一級，又係出動我塊斜板嘅時候啦！ 講起浜燒海鮮，必食一定係甲羅燒，呢度只要叫要燒嘅野食，就會有店員幫你燒，唔洗你自己燒，過咗火浪費食物就唔好啦！👍👍👍 1.三文魚壽司$108（10/10） 呢碟三文魚壽司拼盤舊舊三文魚都好新鮮好厚身，每舊三文魚上面都放咗唔同配料，例如：海膽、黑松露同三文魚子。 2.鯛魚刺身$68（10/10） 鯛魚刺身好新鮮，切到好厚身，一碟有5大片，正到暈！👍👍😋😋 3.蟹味噌甲羅燒（兩個）$136（10/10） 主角出場，甲羅燒一定係必食，殼內有鵪鶉蛋、蟹肉、蟹膏、蟹籽等，慢慢將所有材料搞勻，燒到微焦就食得，每一啖用匙羹食都會食到好濃郁嘅蟹膏，仲有埋一粒粒蟹籽好有咬口，每一啖都非常鮮甜，簡直令人回味！😋😋❤❤❤ 4.鮑魚殼燒（兩隻）$136（10/10） 兩隻鮑魚好大隻，未燒之前新鮮到會旭，睇住店員燒到佢唔旭，雖然覺得好殘忍咁，但無白費佢犧牲，店員幫手燒到仲切埋比我哋食，鮑魚肉質好爽口好彈牙，非常正！😍😍😍❤❤ 5.烏賊磯燒$75（9/10） 好完整一條烏賊（魷魚），店員一燒完記得要快d食，我哋食慢咗，我覺得有少少韌！👍👍 6.帶子磯燒$68（10/10） 帶子爽口鮮甜，無任何重口味味道，食到原汁原味，連帶子汁都甜飲到一滴都無！😋😋😋❤ 7.醬油木魚帆立貝殼燒$75（10/10） 呢個加咗醬油、蕃茄、青椒同木魚一齊磯燒，食落去好清新，帆立貝又好鮮甜，好味！👍👍👍❤ 8.野菜天婦羅$70（9/10） 呢碟野菜天婦羅份量都唔少，有兩個炸大蔥，一個炸冬菇，一個炸南瓜，一個炸薯仔，一個炸茄子，每一舊都炸到熱辣辣，正！😋😋 9.轟炸雞$68（9.5/10） 呢碟轟炸雞炸到雞肉有肉汁，肉質嫩滑唔鞋，一碟有5舊！👍👍 10.香蔥和牛炒飯$108（9.5/10） 呢個香蔥和牛炒飯炒到d飯粒粒分明，用上和牛肉 、雞蛋同蔥粒一齊炒，食起嚟好香，和牛肉唔韌，和牛肉粒都唔少，呢個炒飯最後要外賣拎走，實在份量勁多要返屋企再食過！😅😅😅 11.冰菠蘿燒酌$68（10/10） 入面有勁大舊菠蘿，菠蘿肉汁甜度啱啱好，由於我飲酒關係，揀咗燒酌，梳打好普通，好好飲！😋😋😋 12.巨峰梳打$48（9/10） 少少甜，但好飲！👍 2人總共價錢$1210，有加一服務費！ 個人口味總評分：9.66/10 @maphk2021 地址：尖沙咀棉登徑23號華楓大廈地下5&6號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #焱丸水產 #尖沙咀 #尖沙咀好去處 #浜燒海鮮 #甲羅燒 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

位於尖東不起眼嘅角落，但入到去就覺得別有洞天，好似去咗日本夜晚啲居酒屋咁。嗌咗菠蘿沙冰燒酎同白桃燒酎，唔會好甜，菠蘿超大舊，好好食。 最愛嘅甲羅燒，原味同黑松露味。 一路有店員幫手燒，唔洗睇火，懶人最愛😍 原味就較鮮，黑松露味就松露愛好者必試！燒完之後配上青瓜絲，唔怕會太膩太鹹~ 再嗌咗燒鮑魚同帆立貝。 鮑魚上到枱仲郁緊，勁新鮮😰 因為有店員幫手，燒得啱啱好，一啲都唔會似食緊擦膠，係彈牙同juicy架！帆立貝嗌咗配三文魚子同蟹膏，兩個都好香，唯一美中不足就係擺咗秋葵，唔食嘅我表示會有草青味🥲 大赤蝦刺身 勁鮮甜 好大隻 頭有膏架😍 吞拿魚盛盒 有刺身、有壽司，好正😍就算係赤身都有魚鮮味，唔會太淡，冇筋，非常好👍🏻 三文魚牛油果他他 調味啱啱好，酸酸甜甜，能中和全餐，清新嘅味道