香港旺角｜SKY 726

板燒自家30天乾式熟成美國安格斯牛板腱伴燒汁 牛板腱略帶嚼勁，肉質緊實爽滑，經慢火燒製，外層焦香薄脆，內裡粉嫩細緻，肉汁滿滿，散發著濃郁的牛香，伴隨特調燒汁一起食用，滋味更出眾。 隨碟附有香滑薯蓉和三色椒伴菜，清新又爽甜，正好中和牛板腱的膩滯感，配搭理想。 🐧❣️Set Dinner 包含前菜、餐湯、甜品和餐飲，非常豐盛又抵食。 蕃茄藍青口意大利飯 意大利飯質感濃稠奶滑，米粒略微堅硬呈半生熟狀，口味非常地道正宗。米飯與蕃茄醬汁均勻融合，吸納了藍青口的鮮味，食落酸香中帶有一抺鮮美，令人食指大動。 藍青口隻隻肥美脹卜卜，食落嫩滑又多汁，每一口都富有鹹香的海水味，鮮美無比。 提拉米蘇 甜品用料十足，巨型的手指餅中夾雜厚厚的忌廉，頂層佈滿各式鮮果、威化餅和朱古力片作點綴，擺盤精巧又細緻，非常搶眼。 提拉米蘇食落輕盈不膩，甜度合適，食落每啖都充滿可可的醇香、咖啡的馥郁以及忌廉的甜美，非常可口迷人。 🐧❣️餐前會附贈熱烘烘的餐包🍞 餐廳處於大廈頂樓，如坐近窗邊位置，可飽覽旺角萬家燈火的城景，打卡一流。 餐廳內以大量燈飾點綴天花，一閃一閃的猶如漫天星空，氣氛浪漫有情調，情侶約會良選。

《旺角鬧市中有情調靚景嘅西餐廳☺️》 好岩慶祝生日嘅餐廳，位於旺角726號嘅最頂層，所以可以享受下美景配靚酒！同朋友一聚談心嘅好地方，同埋甜品有刻字服務，好合適慶祝生日！🎂 1. 燒古巴龍蝦尾伴紅花忌廉扁意粉 (288) Grilled Cubon Labster Tail with Saffron Linguine 龍蝦尾肉質好新鮮一啲都唔會霉，食落口非常彈牙，龍蝦肉好厚實，同埋廚師巳經預先剝咗蝦殼，可以大大啖一口食哂！食落口非常滿足，醬汁方面用咗龍蝦汁，令到龍蝦同意粉既味道更加融為一體，誠意十足！ 🌟 評分: 8.5/10 2. 香煎美國頂級安格斯肉眼扒 ($368) Grilled U.S Prime Angus Prime Rib Eye (12oz / 340g) 肉眼扒偏薄同熟，不過醬汁幾好食。薯蓉有落到牛肉汁令到味道昇華咗！ 🌟 評分: 6/10 3. 小食拼盤 ($268) 超級大份嘅小食拼盤，包括薯條，薯角，洋蔥圈，雞粒。薯條同薯角新鮮炸起，非常香脆，而且都好夠鹹，同埋侍應會提供一大碟沙律醬同茄汁！洋蔥圈炸皮夠薄，洋蔥亦都炸到好嫩，外脆內軟！雞粒都好脆有肉汁！ 🌟 評分: 8/10 🎖️整體評分🎖️ ❤️ 味道: 8/10 🧡 環境: 9/10 💛 服務: 8/10 💙 性價比: 5/10 ✨Sky726 📍旺角彌敦道726號25樓 #hkoverfood_旺角

餐廳有好多落地窗，望住旺角鬧市，燈光閃閃，加上店內華麗嘅佈置，好有情調💕 晚市提供套餐選擇，4個course 連餐飯都係4百幾蚊左右，價錢合理 Set Dinner 包餐前小食、沙律、湯、甜品及咖啡茶 先嚟廚師準備嘅精緻小點，是日係三文魚mousse ， 又香又滑都幾開胃 🥗火雞沙律伴蔓越莓汁 Soup of the day -雜菜湯 青胡椒蟹肉意大利粉 意粉好大碟，蟹粉份量亦好多，青胡椒味唔太濃郁，可以增加蟹嘅鮮味又唔過火。 醬汁好creamy ,意粉彈牙 燒焗南瓜湯伴蟹肉 香煎海鱸魚伴鹹肉蘭度豆 南瓜🎃湯又順滑又香甜，仲食到絲絲蟹肉，加添鮮味。 海鱸魚外皮煎得好脆，魚肉扎實鮮甜，鹹肉蘭度豆，令菜式更惹味又有口感