香港灣仔｜Crêpe Delicious (Urban Cafe) - Wanchai

之前已多次光顧這間餐廳，想不到水準還維持得這麼好。午餐有lunch set有主菜，餐湯，餐飲跟可以加錢要甜品，正如這間餐廳叫crepe delicious當然要加錢叫香芒班蘭味crepe，可能臨近聖誕(雖然有一個月有多)但仍然有心意整到聖誕樹形狀，十分可愛，味道不會太甜，餅皮煙韌，有淡淡班蘭味。 餐湯溫度適中，味道頗佳，虎蝦蕃茄醬意粉，虎蝦炸得剛剛好，外皮很脆，內裡很煙韌。Margarita 酥皮pizza 十分美味，推薦一定要點❤️

農曆新年利東街換上喜喜洋洋新年佈置，令不少人到此打咭，為免人流太多，我和好友約了中午去逛逛街、吃個下午茶。 一段時間冇去利東街，有不少餐廳已改頭換面，幸好 Crepe Delicious 還站得住腳，我第一次幫襯我就愛上這裡美味的crepes ，而下午茶係第一次試。 每次都係坐一樓，喜歡樓上嘅採光度，感覺比地下較為寬敞，座位都比較寬闊，令人有更好嘅用餐體驗。 Tea Set 老實講Tea set都唔係平，只不過係包括飲品，變相慳咗 $3/40 ，都 ok 啦。 California chicken $118 份量和散叫一樣，crepe 皮有小許彈性，又薄又滑，餡料亦豐富，煎鷄肉、牛油果、生菜、蕃茄粒等，每口也是多汁的， 鷄肉吾乾，可惜就吾太香，整體也滿意。 另外一份是不得了的 Dessert combo $118 心太軟、芝麻 Gelato 、Panna Cotta 心太軟流心程度不弱，朱古力溶岩又濃又於滑，超級Rich ! 芝麻 Gelato 又香又滑，芝麻味好出、感覺較吃雪糕清爽。 Panna Cotta 茶控有福了，誰不愛伯爵茶味，淡淡的茶香 ，味道不搶，口感又滑，份量不少，甜度適中，兩人share 剛好。 兩杯Cappuccino 也有基本拉花，奶泡厚度足，nutty 味為主導，啱我口味，真心覺得絕不遜於cafe $4-50 杯嘅咖啡。 食完戴返口罩可以慢慢坐，我哋足足傾咗兩個鐘，開心！

自己由於以前喺法國讀過書，所以都幾鍾意食Crêpes，之前喺旺角食過佢嘅分店，覺得非常唔錯，難得今日喺灣仔去完展覽，所以就喺附近嘅呢間總店再食一次，今次亦都會試佢唔同嘅套餐。 佢呢度有兩個主要菜單，一個係堂食主菜單，另一個則是甜品菜單。 我特別選擇左呢一個草莓花園Princess Garden，因為佢係利東街呢度獨有嘅款式。 一嚟到嘅時候，我覺得佢嘅設計非常有心思，佢係好用心咁想將整個甜品設計到一個花園嘅感覺，所以你會見到佢旁邊嘅士多啤梨夾雜住一嚿一嚿嘅忌廉，我估計佢就係想營造一個士多啤梨園嘅感覺，再加上Crêpes 上搽滿一層又一層嘅士多啤梨醬，淨係視覺上已經非常享受。 食落去嘅時候，薄餅非常細滑，除咗食到個感覺之外，配料上嘅甜味亦都發揮得淋漓盡致。 食甜品，梗係唔少得一杯咖啡，以一個苦味中和返一個甜味，係一種食物上嘅平衡，望住呢一杯鮮奶咖啡，更加欣賞佢嘅心思係，佢會在面層， 加一個呢度招牌嘅高踭鞋圖案，配返成個草莓花園嘅主題。 之後我亦都叫多咗一份，但今次唔係食甜品，而係想食佢呢度嘅白汁大蝦🍤Crêpes，想睇吓如果轉換成主菜嘅時候，是否也同樣出色。 而我想講佢係非常出色嘅，白汁非常濃郁，再配上一隻隻大蝦，大蝦非常乾淨，去埋腸，亦都非常爽， $128來講，我覺得算非常超值。