香港半山區｜Tram View Cafe

薰衣草鮮奶咖啡，花香特別好喝。

往山頂出發前的小憩處 本身計劃咗今日去行山，天文台琴日話朝早會急降至十度以下，不過好彩香港政府做嘢不嬲都係錯，最終都有15度，我哋由金鐘出發行上去山頂半個鐘頭見到有間cafe好有瑞士feel，好似行緊阿爾卑斯山，我哋一於去呢間(Tram View Cafe) 食個brunch。 由金鐘站出發，穿過香港公園，行5至10分鐘便可到達，不過要留意沿途都有幾多樓梯級同埋斜路。 呢度絕對係影相打卡好去處，其中一個靚嘅位可以影到纜車經過，嗰一刻都幾震撼。 咖啡室後面有個都幾大嘅花園，可以組團嚟bbq，同埋有一啲香港特色嘅小精品買，例如香港街道模型等等。 芝士火腿雞絲奄列配茄汁豆及青沙律+自選炸蝦+多士$78，雞絲個味都幾濃郁，芝士都係火腿味道都相當夾，最意想不到係炸蝦唔係用雪藏貨，炸得清新爽脆，油香並重。 另一個餐自選迷你牛角包+薯餅$78，我哋覺得呢度嘅炸嘢技術都幾好，薯餅唔會炸到好淋身，反而有啲脆口，絕對係新鮮出爐。 虹吸式咖啡唔係度度都有，德國發明，普及於日本&台灣，屬於低發酵度咖啡，味道唔會有手沖咖啡咁濃烈，同埋比較苦澀，顏色比較淡，不過勝在果味更香，果酸突出。 Ice Brew Coffee$68 小花園個環境真係幾正，最緊要係約埋一大班人，可以包曬成個場，私人空間足。 美式朱古力蛋糕，絕對係自家製，唔會死甜，朱古力味都好香。

星期日有啲回暖，所以去左香港公園吸收維他命D、呼吸新鮮空氣🌞 係揾附近餐廳嘅時候見到好有趣嘅Tram View Cafe，印象中曾經有做過某劇集嘅場景，地點都唔難揾，由纜車站同香港公園體育館中間嘅小路行上去大概5分鐘~🥰因爲纜車站維修，臨時纜車站停纜車嘅地方就係餐廳不遠，所以每次纜車停站都會有一段時間由餐廳見到纜車嘅頭，餐廳好有外國海邊cafe嘅感覺，有室外和室内，室外有木嘅搖搖櫈，室內就仿如外國小屋，有個仿木頭暖爐，加上聖誕裝飾，好有冬日氣息🔥 野食走輕食嘅風格，同朋友叫左一個牛肉漢堡拼薯條加一個魚柳all day breakfast，另加阿華田麥提沙乳酪同飲品，可能近學校嘅關係，價格亦相當實惠🤩 牛肉漢堡嘅包好鬆軟，漢堡肉撈入洋蔥，拼嘅係懷舊嘅曲紋薯條，童年回憶啊🤗 魚柳all day breakfast，有炸魚柳、黑松露炒蛋、腸仔、茄汁豆同牛角包，好邪惡 我本身唔太好黑松露製品，不過里度做到微微嘅黑松露香，幾不錯~ 最印象深刻莫過於係個乳酪杯，本身都有啲怕乳酪嘅酸同阿華田同朱古力唔夾，不過里度就用上較淡味嘅乳酪，更似健康版嘅雪糕杯🍨 飲品不過不失，選擇算幾多，叫左一個cold brew一個薑汁焦糖latte，cold brew仲跟凍杯上，幾有心 舖頭仲有香港特色小手作同紀念品👍🏻👍🏻