香港灣仔｜Le Café

🌟餐廳：Le Cafe (香港諾富特世紀酒店) (灣仔) 📍地址：灣仔謝斐道238號香港諾富特世紀酒店1樓 💰價位：$201 - $400 ⏰營業時間：星期一至日06:00 - 22:00 📱電話：25989869/61068083 呢排好多朋友生日🎂大家都不約而同揀咗去酒店食自助餐🍴今晚就去咗Novotel Century Hong Kong✨Le Café🌟嘆星洲滋味自助饗宴😋 星馬主題嘅自助餐有齊多款經典新加坡菜式，除咗可以任食冰鎮海鮮同即開生蠔，仲有肉骨茶、招牌薄餅、多款即製甜品同埋飲品任飲，真係超多選擇！無論海鮮、凍盤、熱盤、甜品樣樣都好出色，有驚喜🥳值得推介❤️ 冰鎮海鮮首推即開生蠔🦪蠔身飽滿柔滑，入口鮮甜、緊密有緻、海水味濃🌊；鱈場蟹腳🦀厚實肥美，充滿彈性，咬落鮮嫩多汁；凍蝦彈牙啖啖肉；青口味道鮮甜，肉質鮮味。 壽司刺身🍣🍱有三文魚、油甘魚、吞拿魚赤身、赤蝦等，最愛超級厚切帶子，肉質極鮮嫩，純淨甘甜，肉厚多汁！ 熱盤推薦經典新加坡菜式胡椒炒蟹🦀胡椒芳香不嗆喉，微微辛辣味特別開胃，蟹肉飽滿；烤參巴魔鬼魚🐟外焦內嫩，魚肉細緻，酸辣又惹味；肉骨茶☕️甘香有餘韻，藥香夾雜肉香，甘甜得很；海南雞飯🐤size的骰，一個人食一兜就啱啱好～雞肉嫩滑順口，油飯香濃，好滋味😋仲有蟹肉炸饅頭，饅頭炸至金黃酥脆唔油膩，面頭鋪滿絲絲蟹肉，多重口感超滋味🥳 即叫即製麵食有海鮮喇沙摻摻/檳城蝦麵，可以比客人體驗地道星馬麵食，好有heart👏🏻 甜品必食地道新加坡🇸🇬班蘭蛋糕🍰口感綿軟柔潤，味道香濃清新，散發淡淡椰奶香氣；榴槤千層蛋糕🎂超薄餅皮配搭真榴槤果泥，蛋糕口感綿密滑順，每啖濃郁香醇，榴槤控一定唔可以錯過😍😍仲有師傅即場製榴槤pancake，餅皮夠薄又有彈性，一啖咬落去散發馥郁榴槤香，再夾雜口感輕盈嘅忌廉，實在驚艷味蕾🌟最後食埋個西瓜涼粉，消暑解渴，為今晚自助餐畫上完美嘅句號🎉

自助晚餐的質量非常不錯👍！ 餐點補充非常迅速，海鮮也都很新鮮。 現在有優惠大約一個人$400 左右（會以原價加一成服務費）。

呢度啲嘢食特別好食😋服務都好好 好親切👍🏻👍🏻特別係Sunny同kai