香港新蒲崗｜Coti the Bistro (新蒲崗店)

巴斯克蛋糕好好食，好綿滑，比到surprise 我地🤣好香嘅芝士+焦糖醬（應該係～），本身已經好好食，再加埋少少紅莓醬又會另一番風味❤️ 意粉都好好食，牛面肉好冧，而且意粉好掛到意粉醬，每條帶有濃郁嘅番茄牛肉味 而番茄吞拿魚意粉比較清新，鍾意清新番茄味嘅人會好鍾意，少少酸味，再加上醃蕃茄嘅甜味～ 個前菜就簡單好味～沙律/忌廉南瓜湯，睇下想開胃先定暖胃先🤪 環境好好，夜晚比較少人可以好好享受cafe環境😚太夜就唔飲咖啡啦🤪飲左朱古力/茉莉花茶，正常發揮👍🏻

Coti the Bistro 係新蒲崗上完堂，同老友搵地方食lunch. 唔覺意發現左間工廈西餐廳，適逢做緊大廈外牆維修，稍一不留意，都會miss 左個入口。餐廳的環境同食物質素都好高質，好有驚喜。 我叫左個紐西蘭肉眼扒配燒汁（$118), 肉質軟焾又夠入味，一邊食一邊大讚好味。老友叫左紐西蘭牛柳配黑椒汁（$128), 賣相兩個都似，不過牛柳肉質相對實正d, 加埋黑椒汁好惹味。我叫左杯蕎麥茶慢慢歎，老友杯咖啡果皮茶配蜜糖都好有特色。最後叫左兩個甜品：雜果忌廉窩夫（$78),賣相好吸睛，係視覺同味覺的享受。我最鍾意提拉米蘇窩夫（$88), 係酒店級的質素，蛋糕浸著香滑的咖啡酒，一試難忘。整體食物高質，環境舒適好坐，大力推介！

食物好味，環境舒適，服務Ok! 會再來