香港太古城｜JOMO Kitchen & Health Hub (Tseung Kwan O)

《將軍澳海旁超Chill Café☕️》 將軍澳開左好多Café，當中位置最好嘅一定係JOMO Café ，因為開正喺海旁，可以見到180度無敵大海景，仲有好多露天座位，曬住太陽伴隨海風，享受一個悠然的午後夠晒Chill! 素牛小排便當套餐🌱 $188 依個套餐包埋沙律，菠菜薯蓉湯同埋一個好打卡嘅純素草莓蛋糕，都幾抵食。素牛小排係由日本植物肉品牌Next Meat製造，以大豆蛋白為原材料，除左較低卡路里同脂肪外，口感都同傳統肉類相似。便當內仲有⿊蒜磨菇作配菜，炒得好香好適合送飯。 菠菜薯蓉湯飲落口感非常濃稠，味道似係飲緊菠菜羹，飲完之後都幾飽肚😂大家都知菠菜含豐富嘅膳食纖維，一方面可以促進腸道蠕動，其豐富嘅鐵質仲可幫助體內產生足夠免疫細胞，提升免疫力，喺依家疫情嚴峻嘅時期，靠飲食增加免疫力至關重要，飲依個菠菜薯蓉湯真係不二之選👍🏻 咁健康嘅一餐一定唔少得沙律，法式酒漬⼩蕃茄沙律嘅蔬菜同番茄都非常新鮮，醬汁酸酸甜甜亦都好開胃😋 純素草莓蛋糕嘅外型非常少女風，讓人眼前一亮，由於係素食蛋糕，所以海棉蛋糕並不含任何雞蛋及乳製品，以楓糖漿取代左精製糖，蛋糕相對來講冇咁甜，唔洗擔心食完甜品會肥😛，面頭同中間夾層嘅草莓都好新鮮，作為一個跟套餐送嘅蛋糕都幾有驚喜！ Iced Mocha🍫 +$20 原價要$45，所以跟餐加$20都幾抵，個人覺得咖啡味較朱古力味濃，都幾好飲。 伯爵茶戚風蛋糕🍰 $52 依款蛋糕係Ig出場率都幾高，非常熱門，賣相的確幾靚，打卡一流！味道方面，面頭嘅cream非常細滑，蛋糕保持濕潤鬆軟，伯爵茶味濃郁，終於明白點解咁多人嗌🤭 香蕉草莓沙冰🍓 $55 草莓加香蕉依個combination真係絕配，沙冰好fresh好好飲，唔太甜個人幾鐘意，杯嘢粉紅色仲好靚😍

輕鬆用餐的餐廳，食物好味,份量大👍🏻

𓂃◌𓈒𓐍꙳‪‪⋆ 將軍澳海旁cafe最啱嘆一個寫意下午 𓈒◌𓈒𓐍𓂃⋆꙳ 係香港要過一個舒服嘅下午﹑同朋友營造少少渡假感，最容易就係去任何靠海位置，望下天望下海，再係一間靚cafe坐低傾下計。澳南海岸依邊有大量pet friendly嘅餐店同咖啡店，由市中心行入去沿途會見到好多狗狗，心情大好～ ❝手打意粉配黑松露忌廉醬❞ ($128) 闊條麵偏硬身，手打意粉更煙韌有咬口，微微帶少量蛋香。意粉掛汁能力特別強，而且醬汁本身都非常濃稠，每條意粉都佈滿黑松露忌廉醬，醬汁味道偏淡，配合咖啡店提供嘅素食/輕食主題。 ❝熱情果戚風蛋糕❞ ($52) 質感唔會過份乾身，依到嘅戚風蛋糕比起綿密type蛋糕更傾向鬆軟type。熱情果嘅酸味同cream嘅甜度中和之後蛋糕整體味道清甜。 ❝冷壓蘋果汁❞ ($32) 冷壓果汁係採用低溫高壓方法處理食材，營養素比起一般果汁更豐富。味道對我黎講有少少太甜，不過勝在完全無假蘋果味～ 𓂃𓈒 𓂂𓏸 JOMO Kitchen & Health Hub 𓏸𓂂 𓈒𓂃 @jomocoffeencakes 將軍澳澳南海岸唐俊街23號MONTEREY Place 地下G01號舖（港鐵將軍澳站A2出口，步行約12分鐘） 每日營業 09:00 - 20:00 𓂃𓈒 𓂂𓏸 用餐提示 𓏸𓂂 𓈒𓂃 咖啡店門口有machine比客人攞飛等待入座，亦有室外位置可以嗌takeaway去露天地方享用。室內位置方面因為有落地玻璃窗而咖啡店又座落海旁，全間店鋪都非常光猛。室內裝潢以白色﹑木色系為主，另有唔少植物裝飾～ ❋ 消費滿$100方可使用信用卡 𓂃𓈒 𓂂𓏸 𝐭𝐨𝐝𝐚𝐲’𝐬 𝐨𝐫𝐝𝐞𝐫 𓏸𓂂 𓈒𓂃 手打意粉配黑松露忌廉醬($128) & 熱情果戚風蛋糕($52) & 冷壓蘋果汁($32) 餐點味道 | ♥︎♥︎♥︎♥︎♥︎♥︎♥︎♡♡♡ 抵食指數 | ♥︎♥︎♥︎♥︎♥︎♥︎♥︎♡♡♡ 店舖環境 | ♥︎♥︎♥︎♥︎♥︎♥︎♥︎♥︎♥︎♡ 用餐體驗 | ♥︎♥︎♥︎♥︎♥︎♥︎♥︎♥︎♡♡ 推薦程度 | ♥︎♥︎♥︎♥︎♥︎♥︎♥︎♥︎♡♡ 適合場景 | 四人或以下聚會﹑下午茶 ♥️ 追 蹤 @17feelgood (IG) 發 掘 更 多 高 質 感 食 事 / 日 常 / 旅 遊 提 案 ♥️