香港觀塘｜Call Me Chef

老細一腳踢，但送餐都好快有禮貌！ 海鹽千層蛋糕 4/5分 好味！ 黑松露薯條 4/5分 上面黑色嗰啲應該黑松露味嘅粉，成件事好重黑松露味！正！ 兩杯飲品就正常 絕對有下一次💕想試埋正餐💕

👍🏻👍🏻👍🏻👍🏻👍🏻👍🏻👍🏻👍🏻👍🏻 知道層層都有驚喜嘅駱駝漆大廈唔單止多野買, 餐廳又高質, 今日為左千層蛋糕而黎. 樓下等𨋢算快, 上到四樓望入去Open kitchen, 裝修同枱櫈都靚又乾淨, 午餐menu價錢竟包沙律🥗, 餐湯, 主菜, 餐飲, 仲有雪糕🤩, 會唔會豐富左👍. > 沙律🥗 由第一碗沙律🥗開始已感覺成件事一啲都唔hea. 有拌匀沙律醬嘅薯仔🥔, 新鮮切片蘋果, 菜同粒粒粟米🌽. > 餐湯🥣 新鮮烹製甜南瓜湯，每一口全是天然嘅南瓜🎃甜味, 而忌廉份量控制得非常好所以creamy得黎完全唔heavy, 有啲想encore的. > Call Me Chef全日早餐 (HKD108) 女生最愛Cafe美食-全日早餐真係有好多野食呢, 有英式焗豆; 炸薯寶; 大塊而且完全唔多肥膏嘅煙肉;只選中間部分黎煎封嘅厚切蕃茄; 香煎微辣蘋果豬肉腸; 驚喜嘅炒滑蛋食落好滑而且帶好香嘅松露味道, 原來用上高成本松露油黎炒所以味道同香味都非常突出; 來點light d煙三文魚雜菜沙律配黑醋, 當中可是啖啖碎芝士同脆煙肉呢. > 意大利🇮🇹雪糕球 雪糕球fill滿靚靚布甸杯, 是日有芋頭同朱古力味. 我最鐘意佢嘅奶比例較少, 但口感一樣smooth, 係高質嘅Gelato. > 特盛水果茶 想健康點就揀水果茶, 估唔到餐飲唔止茶啡咁簡單. 而我li杯茶入面有切粒蘋果🍎, 哈密瓜🍈同橙🍊, 啖啖果肉, 茶味清香甜度適中. > 韓式柚子蜜 另一樣細心點係店家嘅凍飲🥤唔會半杯都係冰, 好多柚子肉𡁻𡁻. > Baileys 千層蛋糕🍰 (HKD32) 見唔係太多人, 一人一件千層蛋糕先, 門口蛋糕櫃款式實在多到... Baileys千層蛋糕絕對一試難忘! *放心酒精已cook off* 千層cream全是Baileys甜酒嗰種獨特嘅甜味. Lucky食到今日最後一件❤️. > Twinings伯爵茶千層蛋糕🍰 (HKD32) 每層忌廉之間嘅皮厚薄均勻, 選用優質Twinings伯爵茶, 可以聞到淡淡茶香, 最緊要都係店家蛋糕層層忌廉來說真的一點都不膩, 一路食緊野都keep住見到有人黎拎預先order嘅蛋糕🎂. 其實之前曾經睇過店主一篇訪問(勁勵志) , 只想說佢真係好成功, 要加油啊💪🏻.

隱世工廈 藍帶廚師 原來有高手喺觀塘工廈開咗西餐廳 超級推薦係呢個 烤釀明太子無骨雞翼配明太子奶油扁意粉 雞翼入面係滿滿的明太子 味道好夾好好味!