香港北角｜Coffee + Space

有心而寫意嘅咖啡空間 其實呢間啡店嘅本體係個共享空間，會有唔同啡店住場，在下有幸試過三期咖啡師，各有特色，而且都有水準。 特別嘅係，佢哋會不時有市集或者駐場後生仔女唱現場，一路飲啡食嘢之餘，又可以欣賞年青歌手獻唱，除咗享受仲令佢哋有機會積累演出經驗，好值得支持

今日嚟到炮台山搵朋友，佢帶我去一個好地方，可以傾吓計、食吓野，就係一個可以坐足成個晏晝嘅Cafe！餐廳環境好大，我地去嘅時候係下午茶時段，雖係係星期六但唔算多人，大家都好安靜咁睇下書，做自己嘅事。 我哋每人點咗一份Tea set，每人一件蛋糕和一杯飲品，啱晒鍾意食甜品嘅我哋！ 伯爵茶雪芳蛋糕配鮮忌廉 英式伯爵茶香氣撲鼻，除咗口罩都即刻聞到！食落空氣感好重，再配上濃厚嘅cream，但味道並唔會太甜，感覺上健康啲。 草莓芝士蛋糕 勁重口味嘅芝士蛋糕，旁邊加咗酸酸甜甜嘅草莓醬。呢個size一個人食都幾多下，所以要點埋啲草莓醬食落先會Perfect match。 今日嘅天氣好熱嚟到即刻嗌埋杯Ice Chocolate和Ice latte，好濃郁同refreshing！呢度環境真係好休閑嘅地方，同朋友可以聚一聚！

食物好好食！ 價錢親民 坐得又舒服 老細好nice 仲有見佢有個地方有live band 表演，但今次無緣 下次再黎北角一定會再幫襯 支持本地餐廳