香港銅鑼灣｜Dazzling Cafe

講到聖誕梗係要食聖誕大餐啦，今次就去左試下Dazzling Cafe既聖誕節雙人套餐🍽 ☃️聖誕節雙人套餐($598+10%/2位) 呢個套餐相當抵食，由餐湯到甜品樣樣齊，跟返佢個menu順序介紹返先 🥣餐湯：玉米濃湯 ▪︎非常濃郁既粟米湯，有啲粒粒口感，雖然味道偏甜，但都係可接受既範圍 🥗沙拉：和風西柚胡麻沙拉 ▪︎沙律菜同胡麻醬都係常見個種，擺面既橙同西柚都好清甜亦完全無渣，令成個沙律食落好清新好開胃 🍴開胃菜組合：明太子薯條、西班牙芝士腸、牛油帶子 ▪︎薯條非常脆，明太子雖然睇落唔多，但食落都幾夠味。芝士腸雖然冇食到芝士味，但個醬汁搭救而且皮夠脆所以都幾好食。至於牛油帶子就好大粒，不過有啲過熟，如果可以煎得糖心啲就更好 🍝黃金烏魚子蒜香義大利麵(升級+$20) ▪︎係一份高到成座山咁既意粉😮每一條麵條都掛住大量烏魚子，味道同以前係高雄食過既香烤烏魚子係一模一樣，鹹香同鮮味再加上蒜香係口腔大爆發，真係好惹味，比我想像中仲要更好味👍🏻 🍛熔岩飛驒牛漢堡扒飯(升級+$40) ▪︎不得不讚個賣相非常適合打卡💗煎蛋好靚係極完美既流心蛋，漢堡扒既牛肉味濃郁，醬汁食落酸酸地帶啲蕃茄同肉汁味，有啲似哈迪斯既味道😳(曝露年齡系列)，超級啱送飯 ❄甜點：飄雪聖誕抹茶奶綠蜜糖吐司 ▪︎擺盤超級可愛😍吐司其實分成3大塊，上面2塊係中空，擺放左好多一口抹茶流心吐司，茶味幾濃唔會過甜，每粒都好脆，配合埋放係最下面個塊吐司度既紅豆蓉，就可以做到宇治金時既味道💕另外Brownie亦好有驚喜，朱古力味濃而不膩，至於Macaron同雪糕就中規中矩，但整體係好食既只係多cream左啲😂 🍵聖誕椰爺 ▪︎呢杯聖誕特飲其實係抹茶椰子奶昔，2種味道意外地夾，不過都幾甜，底下有啲寒天晶球增添口感，成個組合幾特別 食曬成個餐之後我成個人係飽到企唔直🤣個份量絕對係3~4個人share都冇問題。另外每樣菜式同圖片係幾乎一樣，賣相靚味道好，仲極大份，質素對得住價錢有突，個人覺得係呢啲節日套餐嚟講係可以歸類做非常抵食，下次再有呢啲set會再嚟試💖

新穎多款食物甜品店，叫了經典朱古力鬆餅，好吃的，飲品我最滿意，好好飲的百香果鮮柚茶，很喜歡，這裡食物很吸引，坐得好舒服，但限時90分鐘享用，真的很喜歡這裡。

玉米濃湯很香甜的粟米味道 和風西柚胡麻沙拉酸酸甜甜很開胃～ 明太子薯條、西班牙芝士腸、牛油帶子小食份量剛剛好 青醬奶油雞腿義大利麵醬汁很夠，能把整碟麵都拌勻吃完～ 意式牛肝菌香菇義大利麵很多菇菌，牛肝菌的味道吸引～ 飄雪聖誕抹茶奶綠蜜糖吐司～聖誕屋的內裡是蜜糖吐司，有大量紅豆及抹茶醬作調味，而雪人底下的是朱古力蛋糕，香甜濃郁朱古力味～ 熱玫瑰可可～朱古力跟玫瑰味比例剛剛好 聖誕椰爺是抹茶鮮奶來的，內裡還有很多椰果～