香港銅鑼灣｜ONFALL

「你說藍色是你最愛的顏色。」就係正銅鑼灣"亨環" 裡面有一間頗有特色，而且整個格調都夠哂型格既 樓上吧「Baron 99」。當然除左最基本既beer pong 同slap cup之外，唔少得超正既音響設備比你唱k 唱足成晚啦。事關呢到其實開左幾個月，裝修新淨， 仲要用名牌電視機，唔怪得唱聲畫都咁高質啦。👇 - 📌God Father - $98 ▪ Scotch Whisky ▪ Amaretto ▫ 最基本既啤酒、紅白餐酒、Classic Cocktails、Shooter 都一應俱全，先黎一杯God Father不意外吧？簡單地 將蘇格蘭威士忌混合杏仁酒。初初入口有種濃厚既 Whisky徘徊你既口腔，後來甜味會逐漸散發出黎， 呢種口感夠哂經典，百飲不厭。 - 📌Champagne - ▪ Moët & Chandon Impérial - $180/Glass ▫ 真係估唔到呢到竟然有我最愛既香檳名牌 「Moët & Chandon Impérial」，呢種酒入口既果香味， 係會維持係你口腔裡好耐。而甜度係岩岩好， 甜中帶少少微酸，感覺清香，真係難以抗拒既美酒！ - 📌Snack - ▪ Crispy Fried Chicken Wings - $88 ▫ 最有驚喜係佢地既小食都咁專業， 係吧枱附近有個小廚房，由藍帶師傅主理。 裡面有齊專業焗爐，即叫即炸，唔怪得呢個 「脆炸勝利雞翼」炸出黎D色澤咁靚仔啦。 而且做到外脆內嫩，唔洗點醬都夠哂惹味！ - ▪ Pepperoni Cheese Handmade Bread Sticks - $68/5pcs ▫ 另一重頭戲係「迷你辣肉腸芝士手工麵包條」， 雖然製作需時，但咁先證明佢地用料新鮮， 用最佳既狀態去比客，值得欣賞。而呢個麵包條既 最大賣點係入面芝士係濃厚到可以拉到絲出黎， 真係叫人食指大動呀！

我同朋友星期一都會放工後去happy hour，希望令星期一變成Happy Monday。今次朋友帶我嚟左Baron。 入面燈光較昏暗，音樂聲量適中，所以幾適合朋友談天。雖然枱同椅子屬於高身，但質料令人坐得幾舒服。 酒吧有三大好，第一有免費wifi，第二happy hour半價，第三娛樂多，包括唱K、Beer Pong，甚至Slap cup。 既然Baron係Whisky Bar，我地當然叫有關whisky既飲品。我叫左Whisky on rocks，whisky屬於Bulleit bourbon frontier whisky。冰塊雕成冰波，視覺效果一流。初時口感較辛辣。隨着冰波溶化，口感逐漸順滑。 朋友叫左whisky cocktail - Whisky Sour，整體清新易飲，同時仍然感受到Glennorangie既特性。 平時酒吧小食不外乎薯條、雞翼，但Baron小食選擇較新穎，我地叫左迷你手工麵包條，入面餡料十足，麵包質感亦鬆軟。 總括而言，環境非常潔淨，位於8樓所以景觀不錯，最重要係happy hour半價，一杯平均$4x相當划算。

已幫襯幾次，環境舒適，音響一流，聲浪剛剛好，Happy Hour 好地方，每次上去都有幾檯OL或斯文客，相信都係附近利園office友。