香港荃灣｜Vici

大部分我去過既酒吧好少令我同時滿意晒食物同飲品,今次呢間應該都係我酒吧list內排好前既位置,vici stage除左有好多酒精類選擇出色外..估唔到佢食物仲更加有驚喜. 以茶壼裝住既Dancing grape用上gin同aperol同巨峰提子甜酒再加配菠蘿汁及檸檬汁.入口清爽,入口先帶葡萄果香甜,後有菠蘿同檸既酸味平衡. 以乾花用襯托的Yuzu forest內含柚子同橘子果醬,十分清香富柚子香味.入口相對比dancing grape甜所以十分易入口. Cocktail既杯都十分別致而且加上左唔同裝飾睇得出店內的用心. 風乾火腿露荀卷底下以厚餅做底,微微烘過帶點脆口感.厚餅上以風乾火腿包住烤熟既露荀成卷物,風乾火腿鹹香味濃但唔會過鹹,配上爽脆露荀卷中和火腿既鹹香味. 香煎三文魚配香芒莎莎,三文魚富有濃香既魚油,魚肉厚實滑嫩.配上酸酸甜甜既芒果莎莎令三文魚既油膩感降低. 白酒煮青口配蒜蓉多士,青口用上藍青口雖然青口肉身較細但甜味同海水味更為突出.白酒忌廉汁好香濃,帶點青口同海水鹽味,配上蒜蓉多士沾上醬汁更醇厚. 香草海鮮意大利飯真係超有驚喜,先講海鮮用料落足本,意大利飯面上既帆立貝超大粒,起碼有半個手掌咁大,肉質鮮嫩又甘甜,輕輕煎過後帶微焦香.蝦肉大得黎肉唔會死實實,唔會有雪味得黎又帶有蝦味.意大利飯入口軟綿煮得熟透,吸晒香草汁同海鮮既精華好入味.

日式串燒 •洋食屋 Vici Bar (荃灣) 荃灣多好嘢食，就更加要揀高質美食先去食！ VICI BAR 空間有兩層之多，梳化勁舒服，成個環境好靜好Chill，店員好型又親切，好適合放工黎飲杯嘢，排解壓力。 前菜好精緻，蓮藕片係芝麻微好醒胃。 枝豆 $38 表面有海鹽，食豆係甜嘅，食到少少鹽反而更提升左佢嘅甜味，味蕾感覺豐富。 Mocktail係以公主系列構思嘅飲品，啲名都好有意思。 Before 12 $58 LEMON JUICE SUGAR ANGOSTURA TONIC WATER 應該係你飲嘢嘅時候提醒你12點前要返屋企🥳🥳🥳呢杯有啲苦嘅味道，調到冇酒精酒，亦都有西柚味，其實都震撼味覺，食完濃味嘢飲番啖係會清爽口腔。 Cinderella $58 GRENADIEN PINEAPPLE JUICE CRANBERRY JUICE LUMON JUICE 酸酸甜甜好開胃，過喉之後出現菠蘿汁嘅味道同埋香氣，加強食慾。 鮮海膽蟹肉闊蛋麵 $228 Fusion 充滿海水嘅鹹味，非常新鮮，海膽會食到索索聲咁爽口真係好驚喜，入口異常鮮甜。鮮蟹肉🦀️分布均勻，每一啖嘅闊蛋麵都會食到蟹肉。蘆筍都係新鮮㗎，索索聲，有青嘅味道，排盤非常靚，食材新鮮。 燒花魚一夜干 $138 上枱嘅時候，已經wow 一聲，佢表面睇落好乾爽，實際咬落去好多肉汁同魚油配合嘅鮮味，好Juice，沈香配合魚汁嘅鮮甜，係一啖接着一啖咁樣食，配埋佢蘿蔔蓉嘅醬汁，在落少少檸檬汁，真係勁好食，在細節中見真章。 免治雞肉棒 附玉子$38 佢採用嘅係新鮮日本蛋，免治雞肉可以點蛋醬嚟食，加上蔥花嘅味道，令到免治雞肉充滿絲滑嘅質感，免治雞肉本身有好濃嘅烤烘味同咸香，脆卜卜，口感豐盈。 串燒拼盤 安格斯牛小排串 $88 入口甘香，肉質鮮嫩，肉汁鎖鮮👏🏻👏🏻👏🏻超Juicy，以黑椒粒提味，正😄 薩摩赤雞腎 $35 肉質爽滑，食到索索聲，可以配Wasabi嚟食，對燒烤串有另一番見解。 雞軟骨 $22 鹽香得宜，卜卜脆。 冬菇 $18 聞到冬菇香味非常濃烈，配上燒汁係絕配。 茄子🍆 $18 茄子淋滑，好考大廚嘅功夫，唔會有燶味，保持住茄子嘅鮮甜。 翠玉瓜 $18 外面有焦糖嘅味道，入邊多汁清甜，用牛油去燒烤，加強咗佢話滑嘅口感。

happy hour放鬆一流的地方 bartender親切有禮 如果nacho可以轉用plain粟米片會更好