香港灣仔｜Billidart Restaurant & Bar

樓上酒吧食午餐😋 平時都好鍾意黎呢間食午餐 性價比極高 每日既湯都唔同 有時西湯有時中湯 重點係可以自己任斟 環境有格調 坐得黎舒服 🍱滑蛋鰻魚飯 $68 我冇講錯個價錢 佢鰻魚飯咁大條原條上都係賣緊68蚊❣️ 我自己去超市買一條都差唔多呢個價錢 再用蒲燒醬汁淋上去已經好好食 一啲都唔腥 再搭配滑蛋真係好嫩滑 再少少粗黑椒粒作調味🤤 我真係好鍾意😍 🥩海陸空雜扒（黑椒汁）配飯 $68 上菜個一下見到蟹鉗真係意想唔到 然後仲有豬扒雞扒煙肉肉腸真係好足料 就咁食餸都已經飽左 全部都嫩口容易入口 唔要飯可以選擇配薯菜或者意粉 咁多野食加埋都係呢個價錢 ...但最後衛生略為有點保留 食到一半見到有隻細細昆蟲牆上爬😰 觀感上即刻扣左分 但食物係好食同抵食 價錢唔洗加一仲包埋一杯野飲 真係冇得輸 推薦指數🌕🌕🌕🌕🌗 Ig: @mroolong

5,6年前差唔多日日黎,隔左幾年無黎後,因為一個日本朋友黎香港底下而再去返,老闆依舊不變咁好,雖然伙記轉晒,但大廚仲係果個,野食方面好食過好多星級餐廳,環境咁耐都係咁乾淨,無一種入完去走時成身煙酒味既感覺,由原來既Dartslive場變左做鳳凰場…7樓就裝修過,8樓無變過…仲係有beer pong,pool,個個伙記都比以前果班nice

環境食物好好！有好多games玩！一定會再去