香港旺角｜HANDS - Craft Beer & Magic

旺中帶靜的清吧🥰 位置太子大南街的hand-craft beers & magic. 跨離太子地鐵站應該5分鐘路程，好方便。平日晚上黎食，唔多人，直入有位。員工都好好禮貌介紹餐廳特色🤓 餐廳以手工啤同magic為主題。枱面都有啲魔術小玩意同扭計骰比客人過下手引。而員工好詳細介紹menu的特色👍 Menu 用iPad 比人睇，既環保又方便☺️ 😋椒絲腐乳田園卡邦尼扁意粉（素) 見員工介紹餐廳其中一個特色係食物會以中西融合的煮法烹調食物，以椒絲腐皮的中式醬汁煮出西方的卡邦尼意粉。上碟賣相唔錯，仲有陣陣香味，食落有少少辣，辣味帶出椒絲的口味。這碟是素菜，所以有菇類洋蔥的配菜，口感一流👍 😋煙三文魚意式黑醋沙律 作為前菜，絕對係一碟足料的前菜。有5-6塊原塊三文魚，而不是三文魚碎👍沙律菜，羽衣甘蘭、蕃茄粒，配合黑醋酸酸甜甜好開胃👍 😋醉喵豬手粒（凍） Menu入面有好多以醉味為主題的菜式，食落好程醉酒味，食得出食材用醉汁醃左一段時間，入哂味👍 🍻獨家辣椒麥啤 員工推介時，用十小辣黎形容麥啤的辣味😁簡單易明，麥啤入手時好重麥子味，一啲都唔辣，不過有少少回甘回辣的味道。在喉嚨有少少回辣的感覺。口感奇妙，出面好少見，值得嘗試👍 🍻芒果糯米糍普洱茶茵 另一杯非酒精飲料，都是餐廳推介的taboo cha 。個名好吸引所以叫黎試下，飲落口味道特別，一陣陣發酵酒的味道，亦重重的芒果味🥭如果唔岩飲酒既朋友仔都可以試下☺️

HANDS - Craft Beer & Magic 魔術主題餐廳！ 有魔術表演睇， 中西fusion 菜，酒精飲品都有好多款選擇。 店員好熱情會介紹唔同手工啤酒同Gin ，朋友平時唔飲酒，店員介紹低酒精濃度飲品。 -薯條叔叔配腐乳醬、腸粉醬、燒鵝醬$ 88 薯條炸得香脆不在話下，因為係粗薯，口感好滿足。加上幾款特別醬料都好夾，以後食薯條唔一定要沾茄汁。 -啤酒慢烤香麻手撕豬肉漢堡$138 漢堡包有烘過好香脆，加上青瓜清爽同洋蔥甘甜，味道同口感層次好豐富。 -招牌麻婆 Mac & Cheese $138 麻婆豆腐同Macaroni 既中西fusion菜，花椒香麻味道好出帶有少少辣，好開胃惹味。 -Skyline Lemon Lime Seltzer $88 易入口適合平時少飲酒既人。 -Two Moon Five Flowers Tea Gin $118 陣陣花香令人一試難忘。

收工喺太子搵食經過呢間以魔術做主題嘅酒吧。酒精選擇花多眼亂，閒閒地都應該有五、六十種。鍾意啲比較fruity啲嘅手工啤, 店員介紹咗呢隻《大圍啤Neon Cider - lucky flower＄88》畀我。係白牡丹茶撞石榴，飲落唔算好甜，少少酸，花香茶味幾重，好開胃，易入口。 嘢食有好幾款都特登用啤酒做調味，不過我就畀個《花生醬煙肉芝士安格斯牛堡$138》吸引咗。 作為花生醬控嘅我，其實有少少失望。上碟見到花生醬份量偏少，而且應該係調過，質感似食腸粉嗰啲麻醬，比較稀。要食到好入先食到少許花生醬味。安格斯扒嘅牛味仲強烈到有點而蓋過本身已經weak嘅花生醬。不過都要稱讚塊牛勁厚，真係好重牛味同juicy。重量級到我個雀仔胃都食唔曬。 埋單時店員詢問我：嘢食啱唔啱胃口？佢介紹嘅啱唔啱飲？我都如實作答。佢誠懇地表示會向廚房反映，作出改進，呢點值得加分👍👍 另外，餐廳每晚都有魔術師駐場表演魔術，不過咁啱今晚就撞唔啱了😗