香港尖沙咀｜Lost Stars Livehouse Bar & Eatery

大角咀高格調餐廳 第一次去大角咀，見到呢間餐廳的Weekend Brunch menu 睇落好似好正，咁就去試試！ 餐廳的裝修好典雅，仲有好好聽的背景音樂，感覺好有格調。見到有舞台同鼓，旁邊一直loop住夜晚Live show的表演嘉賓，感覺夜晚應該會變身成好熱鬧的酒吧，有機會都想試吓佢的晚市。 香芒魚柳漢堡薯條 $168 見到芒果同魚柳呢個組合都幾有趣，又未曾試過，所以叫左份試吓。 又真係估唔到芒果加炸魚柳會咁夾咁好食，芒果酸酸甜甜，魚柳炸得甘香酥脆，配埋沙律醬好好食，麵包的面烤到脆脆地，切開係有聲的脆，成個包食落好香口。 薯條似係蘸過炸漿再炸，食落香脆得黎唔會乾淨淨，薯條份量仲要好大份，多到食唔哂。 香烤新西蘭肉眼 $188 塊扒比想像中大塊，上枱時都忍唔到嘩左一聲。牛扒下面墊底的係烤南瓜同番薯。 牛扒叫左5成熟，切開睇落有粉紅但無血水，覺得似7成熟多d。牛扒食落都有牛味，但唔算濃。南瓜同番薯都烤得好香甜。 跟餐有田園沙律配意大利黑醋，沙律菜都算新鮮。 跟餐甜品有朱古力Brownie 同意式冰淇淋咖啡（+$12） Brownie 食落暖暖地，朱古力味勁濃，好好食。 冰淇淋咖啡只係落左半杯咖啡，因為怕會太苦，對我黎講半杯已經好濃味。味道食到好香濃的咖啡味，同雲尼拿雪糕好夾，再配埋雪糕面的朱古力醬，味道好有層次，非常好食。 LOST STARS LIVEHOUSE BAR & EATERY (大角咀) 大角咀利得街11號利奥坊一期地下506號舖 *上述文章只供參考及以當時價格為準

🏡Lost Stars Livehouse Bar 是優雅的酒吧餐廳， 以淺藍色作主調，配搭歐陸風的裝潢，牆上色彩斑斕的壁畫， 配上柔和的壁燈， 充滿情調浪漫氣氛。 📣溫馨提示， 逢星期五至日，有小型音樂 live show，請來不同的音樂人，帶動全場氣氛，坐在舒適的卡位，享受美酒佳餚 🥂及動聽 歌曲，感覺十分 Chill ! 前菜： 🦆法國100％ 純鴨肝醬多士兩件/ 追加+ $25 脆卜卜的多士， 塗上厚厚的鴨肝醬，咬下時油香四溢，以紅酒蘋果蓉作點綴，酸甜清爽，恰好中和了鵝肝的油膩感，美味細膩。 🐟香煎比目魚柳配上核桃、葡萄乾華爾道夫沙律/晚餐 $268 比目魚魚皮微微金香焦脆，魚肉雪白潤滑，魚油豐富，配上華爾道夫沙律，沙律是混合蘋果片、西洋芹菜粒、切碎的核桃和葡萄乾，再佐以酸酸甜甜的沙律醬，清爽解膩，滋味平衡。 🐮香烤新西蘭肉眼 8安士配香烤時菜紅酒汁/ 晚餐 $268 /升級 +$48 厚切的新西蘭西肉眼扒， 五成熟剛剛好，表面有深褐色， 還散發著 陣陣香烤香氣，用刀輕輕好容易切開， 看到內裡肉質保持嫰紅， 入口軟腍， 充滿肉汁，跟配的南瓜， 香甜滑溜， 沾上紅酒汁， 滋味加倍提升，與牛柳十分搭配。 🍫朱古力心太軟蛋糕伴雲呢拿雪糕 輕輕切開熱燙燙的朱古力心太軟， 看到中間滑溜的朱古力緩緩流下，令人垂涎，入口是迷人的朱古力香， 味道濃郁，跟配一球雲呢拿雪糕， 冰冰涼涼， 冷熱交融 ，令人一吃難忘的甜品。 🍮焦糖燉蛋配雲呢拿雪糕 經典人氣甜品焦糖燉蛋， 香脆的焦糖衣， 配上如絲般細滑的蛋吉士，又香又滑，完美融合， 再配上雲呢拿雪糕，滋味更上一層樓。 🌹冰釀汽泡玫瑰花綠茶+$58 綠茶入口滿滿天然的綠茶茶香，而且有淡淡玫瑰花香， 清新解渴。 🍇happy 造型充滿夏日色彩， 淡淡荔枝、 提子汁的甜香， 及清新青瓜香氣， 口感好清爽。 🏡餐廳: LOST STARS LIVEHOUSE BAR & EATERY 🍴地址：大角咀利得街11號利奥坊一期地下506號舖

位於大角咀利得街的「Lost Stars Livehouse Bar & Eatery」，係一間定期有liveshow的西餐廳🍴店內樓底高，空間感充裕，乃是朋友或家庭聚餐的好地方 田園沙律 雜錦沙律菜新鮮翠綠，口感爽脆，配上適量油醋汁，清新開胃 水牛城雞翼 合共有三隻，每件都肥美又大隻，皮脆肉嫩，表面沾滿醬汁，甜甜辣辣的，好好食 法式烤雞焗釀芝士煙肉卷 賣相精緻又吸引❤️法式烤雞外皮焗至微微脆，雞肉當中釀了芝士及煙肉🥓味道濃郁，充滿芝香！伴碟仲有薯蓉、意大利黃瓜及蒜香奶油汁，夠晒豐富 香烤新西蘭肉眼 烤至五成熟的新西蘭肉眼，足足有8安士重，啖啖肉；肉質軟嫩細膩，牛肉味道頗濃郁，沾上紅酒汁好好食！配上香烤南瓜及番薯，健康美味 巴斯克焦香芝士蛋糕 芝士蛋糕口感軟滑，忌廉芝士味好香濃，甜度適中，令人食唔停口 朱古力心太軟蛋糕配雲呢拿雪糕 心太軟質感鬆軟可口，流心效果佳🤎朱古力味突出，甜而不膩 冰釀氣泡法式伯爵花茶 店員特別推薦餐廳Signature Mocktails🍹選用法國伯爵茶葉沖泡而成，入口清新 冰釀氣泡玫瑰花綠茶 玫瑰花綠茶清雅脫俗，滿有茶香，有助解膩