香港旺角｜The Live House

🦈巨型鰻魚原條上 - 🔸原條鰻魚飯 $89 🔸和風原塊肉眼扒炒蛋飯 $89 🔸飛機運日本制雪糕 $19 🔸法國朱古力心太軟 $49 🔸自家制飲品 $9 - 旺角新開咗一間日式便當餐廳，呢間喺地庫嘅夜晚就係酒吧，朝早同日頭就搖身一變做日式丼飯嘅餐廳，作為旺角地膽當然要親自去視察下環境再報告俾大家知啦！ 午市便當只係由$69-89，唔好睇價錢經濟實惠就以為係頹飯質素，原來所有食材都係上乘品質啊！重點推介原條鰻魚飯，主角鰻魚有攤平有一隻半手掌咁長，坊間淨係賣條鰻魚都百幾蚊，呢度真係抵到飛起！男朋友就叫咗肉眼扒便當，牛味重，配菜有炒滑蛋同焗茄子段，仲想講埋飯底係增量珍珠飯，大胃王都食得飽！ 跟餐+$9試埋自家制飲品，金菊露非常清香甘甜，仲有洛神花夠酸好開胃，飲得出冇落太多糖健康得多。而心太軟係同某五星酒店入嘅貨一樣，中間嘅流心朱古力超濃郁，蛋糕體外脆內軟。另外日本空運雪糕係紫薯口味，係我食過最好味最自然嘅紫薯雪糕！

我同老公都超鍾意食鰻魚，去親日式餐廳必定會叫鰻魚飯，平時都會買定啲鰻魚喺屋企得閒就加餸😋 今日經過旺角見到有張poster，整條鰻魚放咗喺隻碟度，而且價錢超級抵，上次日本超市買條咁上下嘅鰻魚都成159 㗎，見到poster寫住$89😍堂食仲有9折😍就即刻沖左入去餐廳食鰻魚🤣 #人氣王原條鰻魚飯 $89 超霸氣鰻魚😍wow😋睇見都流晒口水呀！真正鰻魚王，足足手臂咁粗咁長，認真唔講得笑，一條兩份食都絕對夠晒食呀！呢一刻，我同老公都認定咗呢度已經成為咗我哋嘅飯堂了！做洗乜買番屋企整？咁大條優質鰻魚，呢個價錢，肯定呢度食係最抵㗎啦😆 仲有好多玉子蛋鋪底，吸晒啲鰻魚汁，連埋啲飯一齊食，三重口感三重好味呀！鰻魚夠晒厚身，啖啖肉，食落真係好肥美，so yummy! #日式咖喱汁配牛肉薯餅飯 $89 咖喱有驚喜，平時好鍾意食日式咖喱飯，不過都覺得個咖喱略嫌唔夠辣，印度咖喱又辣得滯，呢度個咖喱辣度啱啱好，介乎兩者中間，完全my style!I like it! 仲有好多雜菜，最正係有埋我最鍾意食嘅茄子🍆夠Fusion👍而主菜牛肉薯餅亦都炸得啱啱好，薄脆的外層，香軟的肉心，加埋陣陣牛肉味，creamy的薯蓉質感，so tasty😋 飯後仲嘆咗個甜品添~ #法國朱古力心太軟 $49 焗到個面略帶脆口，一切開流心的朱古力河流傾瀉而下，幼滑嘅質感喺口中溶化，好味到停唔到手。 #日本製紫薯雪糕 $19 香濃嘅紫薯味配搭幼滑嘅雪糕質感，無人可以抗拒到囉😆 自家製金菊也很有驚喜，香而不膩，清而不淡，呷著很寫意。 八王子日式餐廳 (旺角) 旺角彌敦道731-733號振宜大廈地庫

地方舒適，很有歸屬的感覺，好像自己的地方一樣