香港太子｜Tokyo Street

平價高質，CP值爆錶，三文魚大件又肥美，係坐位偏窄，整體很推薦

An excellent Japanese restaurant that you should not miss it. They offer you fresh shushi with reasonable price. The food variety is super rich, like sashimi, sushi, roll, soup, fried food. You can actually find all Japanese food that you want in the menu. The taste of the food is extremely great. The sashimi is really thick with rich and fresh taste. ————————— ✅良心小店 ✅日本料理款式種類多 ✅食材新鮮、刺身肥美 ✅價錢極度優惠 ✅CP值極高、絕對值得回頭 . 餐廳環境充滿日本氣息，牆上掛滿女技藝畫像，又播放住輕快嘅日本歌曲 . 🔸素翅海蜇 $38 呢個配搭幾好，份量都幾多，素翅好滑，海蜇又夠爽口， 🔸三文魚頭湯 湯好清甜，好濃郁嘅娃娃菜味，三文魚頭超大塊，好多肉，稍為炸一炸之後，魚油香濃郁，魚肉又夠滑 . 🔸刺身拼盤 刺身好新鮮，完全冇腥味又冇雪藏味，餐廳仲要勁慷慨片片都好厚身，三文魚腩我覺得有1cm厚，叫一碟四件都只係需要$58，仲抵過買一舊返屋企自己切，三文魚腩油脂香味濃郁，赤背夠爽口，蝦有膠質既黏口感，好新鮮，池魚就夠清香 . 🔸壽司🍣拼盤 呢間餐廳就算你有選擇困難都唔使驚，超多款壽司、手卷俾你任揀，價錢仲要低至$14有兩件，炙燒和牛壽司啲牛香味好濃，怪獸三文魚腩壽司基本上係必點，帶子壽司好清甜，亦都係必點系列 . 🔸煉奶芝士年糕 鍾意食芝士年糕絕對唔可以放過，中間嘅芝士係流心，皮好薄，但係炸到好脆口，最正係一定要點煉奶，甜鹹交融，🤤記得留肚食！ . 餐廳比我覺得好似去咗間日式放題咁，食物種類超多，炸物、壽司、小食、丼飯、湯、手卷、卷物，應有盡有，絕對會令到你貪心到樣樣都想叫🤣 . 但係佢做出嚟嘅食物質素係遠超過普通放題，餐廳仲要好大方咁樣樣都好厚身，刺身材料好多，但係佢收嘅價格又唔貴，所以呢間餐廳我絕對會回頭！大家快啲去試吓啦🤩

見好耐冇食日本嘢，咁啱搜尋附近就見到呢一間好似性價比幾高嘅餐廳，決定一試！ 入到餐廳，隨即用QR CODE落單，真係眼花撩亂，每一種款式嘅食品都係五花八門而價錢上又相當合理，所以唔理咁多，嗌到成枱都係食物！ 今晚叫咗時令刺身同少量壽司，餐廳居然用一架船裝起晒佢哋。（大到嚇親人，放滿成張枱）刺身超過八款刺身，三文魚腩、吞拿魚、池魚、有頭甜蝦、帶子、赤貝、海膽、鯛魚。全部超級新鮮同肥美！連平時唔係好食池魚既我，今次都食唔停口，因為真係一啲腥味都無，仲超級厚切（真係食刺身食到飽） 除咗刺身之外，仲叫左黑松露鵝肝丶北寄貝丶厚切鰻魚丶龍蝦沙律皇帝蟹柳丶左口魚邊壽司。超級推介黑松露鵝肝壽司，黑松露好香，鵝肝被火炙過，燒到少少脆邊。壽司飯嘅醋味適中，餐廳豉油亦都唔會太鹹，兩者十分兼容。 好多時入到日本餐廳都會叫小食，今次亦都唔例外。叫咗份日式煎餃子，師傅炸得金黃，脆口，配上泰國酸辣醬，真係好好味！ 另外仲叫咗一個青瓜蟹籽沙律，滿滿的一大杯，青瓜是特別清新，蟹籽份量亦相當足夠！ 總括嚟講，係一間性價味超高，質素驚人既日式小店。溫馨提示，餐廳有一個小小嘅外賣位置，你都可以買到肥美厚切嘅刺身返屋企㗎！