香港旺角｜Chuan Po Po

想試好耐，今日終於的起心肝黎打個邊爐。 全店都係粉紅色，好賞心悦目。 首先叫左杯台灣蘭貴人茶，個味幾好，茶葉好香，入口生津口甘。男胖子就飲返可樂。 好滿意個調味區，必加麻油，仲有好罕見嘅孜然粉。 黎到緊係試個招牌鴛鴦鍋，男胖子負責食麻辣嗰邊，入面有埋鴨血，睇佢食到個嘴紅哂就知超辣，我就主力食唔辣嘅羊肚菌，比較香菇菌味，入面有唔同品種嘅菇。 北海道毛蟹做緊promotion, 88蚊就有，見咁平就叫黎試下。隻蟹雖然多毛，但長相都幾別緻，男胖子好辛苦整哂啲肉出黎，食落真係唔同普通蟹，肉質係絲狀，入口有好濃嘅蟹味，好新鮮，必試！ 今次我地捨棄肥牛，試左好少食嘅牛頸脊，油脂較少，但都幾香幾好味。 個牛丸係招牌，彈牙唔洗講，味道仲好正，食食下都食左好多粒。 另外見到有開始普及嘅鮮淮山，份量都幾多！ 最後落埋紅薯粉，落一陣就林，好軟滑！食完飽哂。

呢排成日都想食辣野，又唔得閒返大陸食，好朋友介紹家樂坊八樓有間高質川菜，鍾意食辣嘅唔黎就走寶🤤一於孖住佢一齊去食！ 招牌十三香小龍蝦🦞小份 $268 我叫左小辣，今次真係我頭一次食小龍蝦🦞感覺好新鮮！小龍蝦嘅肉質幾嫩滑，爽口Q彈，最重要係個汁，夠麻辣惹味，另外我發現佢個洋蔥都超鮮甜可口，因為索曬d湯汁🤤 招牌檸檬酸菜魚 🍋 小份$228 同樣叫咗小辣，我覺得呢個酸菜魚質素幾高，無骨呢一點加曬分😽魚肉夠彈牙夠嫩，配菜非常足料，啲酸菜勁酸，食到口水流，仲有萵筍片、芽菜、娃娃菜，食到勁飽！ 涼拌萵筍絲 $58 天氣咁熱，一定要叫涼拌，萵筍爽脆，食完呢個菜夠晒清爽😙同埋佢唔會好辣，一大住放入個口都冇問題😚爽！ 牛油果香蕉奶昔 $48一杯 好鮮甜！香蕉🍌同牛油果好夾😽解渴解膩又解辣！🤩 天地一號 $48一樽 原來有一大樽㗎！勁抵！蘋果醋酸尾尾好好味 😙☺️ 呢度食飯坐得真係好舒服，店員夠親切，嘢食質素高，又有好多靚位打卡，下次要叫埋成班friend黎食匀所有嘢食先得😋😋😚

今日黎到一間令人少女心爆發嘅餐廳，我同友人好早就到左，可以係度影靚相狂打卡❤️呢度好用心設計，粉紅色嘅牆身、閃亮嘅霓虹燈、可愛嘅椅子⋯⋯每一處都係影相佳點！連佢d野食都賣相一流，仲好味道添😋 1️⃣招牌檸檬酸菜魚 小份 $228 小辣 成碟菜擺盤好靚，有三片新鮮檸檬🍋做裝飾，連個湯汁都帶檸檬清香！師傅放咗好多酸菜落去，連帶其他蔬菜都酸爽可口，食落好開胃。魚片已經挑左骨，夠鮮嫩美味。加上小份份量十足😆😆讚！ 2️⃣招牌十三香小龍蝦 小份 $268 小辣 香噴噴！熱辣辣！一隻隻紅噹噹嘅小龍蝦🦞浸泡係辣湯裏面，令人垂涎欲滴🤤我戴左手套，一隻隻慢慢剝開，一舊舊粉嫩嘅蝦肉好誘人😍剝左一半決定開餐，點辣汁食，去到最後一羹羹辣湯淋落去啲蝦肉食，每一啖都係享受，辣中帶麻，超級惹味😍❤️ 3️⃣涼拌萵筍絲 $58 碧綠嘅萵筍絲上沾了點點紅油，食落辣度適中，味道清新甘甜，食完食慾大增，聽講仲有清熱作用添😝 4️⃣牛油果香蕉奶昔 $48一杯 呢杯嘢飲雪白帶淡綠色，就快滿瀉嘅狀態，令我忍唔住即刻飲一啖先！🤩香蕉味好濃，牛油果🥑味同佢都幾夾，呢個奶昔飲落好香甜，透心涼😆 5️⃣天地一號 $48一樽 我本人好中意酸酸甜甜嘅野，蘋果醋就啱曬我口味😋口感幾好，酸得幾過癮，同埋佢係有氣嘅蘋果醋，飲完一個字講晒：爽！😝😝 成日都話大陸有好多又靚又大又正嘅餐廳，依家香港都有！食酸菜魚同埋小龍蝦唔使返大陸，呢度就有間高質嘅😍臨走都要影返幾張相，因為門口都花咗心思裝飾❤️