香港尖沙咀｜鐵板超

尖沙咀嘅老字號 每次經過其實都好想試 但始終價錢唔算平 仲要有一個好理由先至可以去食 難得依家午市做緊66折 一於叫埋男朋友一齊去食 ———————————- 今次叫咗個餐有龍蝦同A5和牛 ✨南非鮑魚 南非鮑魚同平時食嘅大連鮑魚好唔同 特別鮮甜軟滑 一啲都唔un 鐵板燒加上燒香味特別好食 ✨銀鱈魚 好鮮甜好好食 魚皮燒得好脆 ✨龍蝦 睇得出龍蝦非常新鮮好生猛 燒嘅時候亦都有火 打卡效果一流 龍蝦連埋龍蝦頭嘅膏一齊食 非常鮮甜美味 食完海鮮好快就到牛肉同蔬菜嘅環節 ✨A5和牛 淨係睇油花都知道唔係普通貨 入口即溶充滿牛香 非常美味 再加上配菜減低油膩感 絕對值得嘗試 ✨燒雜菜 食完咁多嘢梗係要食返啲健康嘢 燒雜菜加咗櫻花蝦特別香 ✨龍蝦湯 龍蝦嘅蝦頭用咗嚟煲湯 湯底相對比較清 適合用嚟解膩 ✨炒飯 和牛油脂用咗嚟炒飯 令到成碗飯特別重牛香味 加上有蟹子增加口感好食 最後仲有甜品雪糕食 今次呢餐飯充滿驚喜 趁仲有優惠嘅時候值得再嚟試多次

一個月食左2次，師父煮野好用心，食材新鮮，價錢雖然貴大約3千蚊2位，但值既。

我對該店食物味道與服務都非满意 ，值得介紹。