香港銅鑼灣｜KOKON Premium

放工去銅鑼灣食好西，公司行過去都幾近下，位置就係銅鑼灣澳門逸園中心，之前食過尖沙咀個間，呢間環境唔算好大，座位係幾多下，店內裝修有日本風格，坐係係bar枱，枱都較闊，櫈下都有個兜用嚟放袋，夠細心 淨係睇賣相已經好吸引嘅 [ 煙花 $108 ] 裡面已經有辣味三文魚、辣味吞拿魚及脆片；最上面有大大舊吞拿魚蓉，再配埋蟹籽及脆片，味道係少少辣 同個名都好夾下 [ 蜘蛛 $103 ] 用紫菜色住炸軟殼蟹、青瓜、牛油果同蟹柳，一口咬落去口感脆卜卜又唔油膩，配埋幼滑嘅牛油果，感覺都幾特別 一份有4大塊嘅 [ 埼玉網燒牛舌 $78 ] 有少少厚度，燒得好正，肉質軟腍爽口，濃郁牛味，越嚼越香，咬落去啲肉汁流哂出嚟，油脂由牛舌中滲出嚟，再配埋個酸辣醬汁一齊食 一份有6粒嘅 [ 日式章魚小丸子(6粒) $48 ] 滿滿木魚絲舖哂係小丸子上，即叫即整，熱辣辣鬆脆香口，中間仲夾住粒章魚仔及椰菜，粉醬較厚 古今---銅鑼灣軒尼詩道525號澳門逸園中心21樓

今日同朋友去睇戲 未夠鐘入場但又想食少少先入去 喺公司附近食少少野先 叫左三款小食同兩個卷物 咁就唔怕太飽啦～ 大阪自家製炸雞 炸雞份量唔少 新鮮熱辣 皮脆肉嫩 唔錯！ 琦玉網燒牛舌 牛舌都算厚切 但入口一啲都唔韌！ 好有口感，好正！ 仲可以點旁邊嘅酸汁提鮮添～ 野菜天婦羅 有幾款蔬菜茄子、冬菇、金菇、蕃薯仔 炸粉透薄 食返菜蔬本身嘅鮮甜味 金龍卷 有原條大炸蝦同芝士入面 面層仲有三文魚 配搭簡單 但口感好豐富 蜘蛛 呢款都有炸物軟殼蟹 再加上青瓜條牛油果條 會比較清新 即使係炸物都唔會太油膩 因為要入場就唔食太飽了～ 費事入場訓教🤭🤭 下次先再試其他特式卷物！

我已經介紹過呢間日式料理餐廳好幾次！係我嘅「最愛日本菜排行榜」裏面嘅TOP 3之一🍴! 主打一系列fusion日本菜式, 有特色創意卷物🍣、串燒、鍋物等等, 選擇相當豐富ꕀ 環境舒適寬敞, 服務又好好, 食物質素高, 而且價錢合理, 整體性價比高, 非常值得推介呢👍🏻 𓌈˒˒ 煙花🎆 卷物裡面有辣味三文魚及辣味吞拿魚蓉, 上面灑上脆片, 入口有香脆嘅口感, 辣辣哋, 呢個配搭好有創意, 味道亦有驚喜, 好味😋！ 𓌈˒˒ 富士山 砌到成座富士山咁🗻！牛油果鰻魚卷上鋪滿蟹柳絲, 份量勁多！鰻魚肉質軟腍, 脆片令口感層次更豐富！ 𓌈˒˒ 櫻花蝦原條茄子燒🍆 原條茄子燒淋上櫻花蝦及醬汁, 茄子好腍, 醬汁味道甜甜哋, 食落有好香濃嘅櫻花蝦味 𓌈˒˒ 埼玉網燒牛舌 必點👍🏻！牛舌厚薄適中, 燒得啱啱好, 牛肉味濃, 鎖住肉汁, 肉質軟嫩, 加上適當嘅調味, 好好食😋