香港灣仔｜The Yuu

今次多得拉住朋友衫尾，先食到呢間一直想試好耐嘅餐廳😊。首先，佢地點就腳，裝修好有日式居酒屋風格，係門口行入去，已經感受到，呢間餐廳嘅格調同質素👍🏻。 食物種類好多，由壽司刺身卷物，到熟食串燒煱物都有👍🏻。不過當然，有咁嘅氣氛環境服務同質素，價錢上都會合理地略為貴返少少。 ⭐️油甘魚腩刺身 刺身肉質肥美又新鮮，配上少少wasabi，作為開胃前菜，幫你打開味蕾，超級適合啊！👍🏻❤️ ⭐️海膽吞拿魚壽司 卷物賣相吸晴😍！面頭鋪上海膽同一大片吞拿魚，卷物內包裹住滿滿嘅吞拿魚蓉😊，一啖落口，吞拿魚嘅鮮味，係口腔內爆發，淨係享受呢份口感同味道，都覺得好幸福啊！😚 ⭐️炸雞香蔥汁 炸雞外皮香脆，內裏juicy，係經典嘅日本唐揚雞，做佐酒小食，又係好夾！ ⭐️香煎餃子 餃子用鐵板上，非常驚喜😊。入面主要係豬肉饀，另外仲有啲比豬肉更軟綿綿嘅質感，唔知係咪芋頭呢？😬👍🏻👍🏻 ⭐️喜魚天婦羅 喜魚非常大條又厚肉，而且肉質鮮嫩，天婦羅炸粉都算薄身，鐘意食魚嘅朋友，叫呢款作為佐酒小食，很不錯啊😊👍🏻。 ⭐️蟹肉蟹膏石頭鍋飯 呢個蟹肉蟹膏石頭鍋飯，真係ichiban👍🏻！係撈完個一下，已經好香蟹膏味，入面原來仲加左好多其他海鮮！口感同味道都好豐富！食嘅時候會見到勁多一梳梳嘅蟹肉同蝦肉粒！而且係石頭鍋上桌，口感乾身，仲可能會食到啲啲飯焦😊！好食！ ⭐️牛油柚子煮蜆 好特別嘅小菜，煮得非常入味！只食蜆肉，就食到柚子嘅清新。牛油味淡淡地，為海鮮吊上幾份鹹味，但又唔會太多，唔會好油好肥，唔錯👍🏻👍🏻。 Please follow my IG if you like my review. IG: goodeatmeal

夜晚一班朋友食飯，約日本菜一定冇錯。位於灣仔合和中心3樓的一遊，原來屹立在灣仔這個需要地帶很多年。今日同朋友收工去試下。 去日本餐廳都要叫下酒，今次我地叫左不同的燒酌聚下舊！ 刺身五點盛 盛合有油甘魚、赤貝、牡丹蝦、帆立貝和中拖羅，每款都好新鮮，質素都幾高！ 東洋卷 東洋卷是用好似pancake 皮包住牛油果、鰻魚等的配料，甜甜地，入口好似食緊墨西哥捲的感覺，不過更加綿滑！絕對係會比外表呃左嘅！ 串燒 (牛舌、白鱔、雞翼、雞心、翠玉瓜) 串燒都是不會有錯的食物！所以串燒都好驚喜！特別欣賞白鱔，食落完全冇骨啖啖肉！翠肉瓜燒香之後，仍然保持多汁。 蕃茄海鮮湯 新鮮嘅海鮮，包括大頭蝦、大大隻蜆肉等等，甜甜地蕃茄湯都幾comforting，有薄身的蝦味。不過飲到尾會覺得甜得有點誇張！ 生薑豚肉石頭飯 最後來一個石頭飯做主菜，珍珠米每粒都好飽滿，吸收哂醬汁，好食！

🥢特選刺身五選 新鮮海鮮刺身，每塊都鮮美無比，讓人欲罷不能。 . 🍣胡麻火炙三文魚卷 炙燒的三文魚配上香滑的胡麻醬，口感豐富，令人回味無窮。