香港旺角｜藤 Sushi Teng

餐廳於旺角鬧市中特別鮮明，明亮企理鋪面引人注目，店員熱情細心，與客人談笑風生，而且食物出品多元化兼性價比十分高，有興趣一嚐親民席前廚師發辦嘅朋友推薦一試。

食得又打到卡嘅親民壽司店 最近星期日去咗位於旺角廣華街嘅「藤」食日本料理，未到6點已經入座，由於有book定位，所以唔洗等 餐廳裝修以木系為主，滿滿的日式舒適感🤍牆身同枱底仲有掛勾俾我地掛衫同私人物品，細心位加分。餐廳只有10個座位，而且仲可以近距離欣賞師傅刀功 藤&Seng set $328 上餐前會有碗野菜豆乳湯，入面係日本純豆乳同娃娃菜，飲落好滑！ 壽司set 擺盤勁靚，仲會有啲可愛動物擺設做裝飾，每層都會有兩件唔同嘅壽司：甜蝦，帶子，真鵰魚，燒銀鱈魚，深鱈魚，醋鯖魚，大吞拿同池魚；我自己最鍾意燒銀鱈魚壽司同大吞拿。銀鱈魚個油脂燒得好香，而大吞拿都算係入口即溶，好食！除左壽司，仲有一個吞拿魚蓉三文魚籽杯，壽司飯上有吞拿魚蓉及三文魚子，甜品有水信玄餅同熊仔紅豆，水信玄餅賣配上黑糖汁幾好食，而熊仔紅豆就超級可愛，配偏甜嘅紅豆食落都唔錯 高知本鰹魚壽司 $48 色澤夠鮮艷，油脂亦幾豐富，食落香味新鮮以及清新爽口 藤の極上吞拿魚壽司盛合 $188 好有誠意嘅吞拿魚壽司盛合！赤身、中吞拿同大吞拿嘅油脂分布都好平均，我最鐘意嘅當然係大吞拿，食落口真係入口即溶，鈇火卷入面都係吞拿，以及一件滿滿蔥蔥吞拿魚蓉嘅軍艦 蒲燒鰻魚丼 $88 鰻魚都幾厚身，共有4舊，size不大不小，而且燒得幾香，肉質有口感，幾好食！ 明太子雞翼 $48 雞肉嫩滑，肉入面充滿住明太子，明太子微辣，味道唔錯！ 估唔到係旺角都可以食到價錢相宜同時味道高質嘅日本餐廳，有機會一定會再黎

超可愛的廚師發辦，將貓貓加入擺盤 令精緻壽司中帶可愛！！但位置唔多要訂位呀～