香港尖沙咀｜Chili Party 麻辣派對 (尖沙咀分店)

鍾意食麻辣嘢嘅我，當然唔會放過任何四川菜嘅餐廳 酸菜魚 份量都幾多，酸菜魚少少辣，非常開胃，魚嘅肉質非常嫩滑，亦都好大件，所以入口啖啖肉，除咗先菜同埋魚之外，仲有紅薯粉，芽菜嘅配料喺湯底下面，兩樣都入晒味👍🏻 辣子雞乾鍋 呢個辣子雞真係非常香口惹味，我哋仲要額外加多$10要肥腸配料，令到層次感提升咗好多，估唔到肥腸可以入口咁卜卜脆再配埋辣子雞嘅味道簡直一流 最後超級驚喜嘅係竟然有糖水紅豆沙贈送，味道一啲都唔會太甜，真係似住家煲嘅紅豆沙，味道一樣，唔錯

我同朋友都超鍾意食辣，咁啱喺尖沙咀行完街，就睇吓附近有咩川菜，見到呢間食評唔錯，就一於過嚟試吓 上到去環境裝修超有驚喜，感覺好迷幻，好多小燈泡💡，同花做主題，牆身仲有少數民族人物的壁畫 ✨孜然蔥爆蒙古牛肉$98 超有鑊氣，羊肉大大片，份量好多，調味出色，鍾意食孜然粉嘅朋友一定鍾意，仲有大蔥洋蔥做配菜，帶出羊肉的香味 ✨涼拌魚皮卷$78 起正的開胃小吃，口感彈又爽脆、配上清香的香菜和炸蒜調味，簡直係人間美味，夏天清爽的開胃涼菜 ✨金牌酸辣水晶粉$48 湯底特點是麻、辣、鮮、香、酸且油而不膩，水晶粉主要用紅薯粉整成，所以口感煙煙韌韌，加上花生🥜，香菜，肉碎等配料，更加惹味 ✨黑蒜花膠螺頭燉雞湯$68 非常足料，有花膠，瘦肉，雞，螺片，煲完湯之後，仲好鮮甜，完全冇味精，花膠非常厚身，有成三隻咁多 最後餐廳做送上桂花糕做甜品，解辣一流 麻辣派對 (瑞生酒店) 地址: 尖沙咀加連威老道29A號瑞生酒店1樓 電話: 28822083

識我既人都知我係酸辣麻辣控，加上近年酸菜魚當道，今日就黎試試呢間！結果一試愛上😍 ［酸菜魚-黑魚。中辣］（加水晶粉、毛血旺、魷魚） 今次試黑魚，比較彈牙，少量細骨，一啲都唔腥。如果想食較嫩滑既建議可試桂花或江團。湯底是重點！嗜辣嘅我，中辣夠哂爽皮，加上大量酸菜，仲有芝麻香味，好味！魷魚爽口，水晶粉索哂啲湯更加係食唔停口⋯ ［麻辣雞鍋 - 半隻。中辣］（加雞脆骨、茄子） 份量多到以為叫咗一隻😂啖啖肉，唔呃秤！麻辣味好香，唔係死辣。一路食一路有個爐熱住，唔怕「晾」。特別推薦個雞脆骨，就算浸左落汁仍然好脆好香口！ ［香酥雞翼尖］ 超！香！脆！仲會另外上辣粉比你，送啤酒真係無得輸🍻 ［麻辣無骨鳳爪。中辣］ 個晚叫半打啤酒🆓呢個小食。大大隻鳳爪，個汁有少少似口水汁👍🏻 ［涼拌黑木耳。小辣］ 好爽，好入味👍🏻 ［清炒萵荀］ 成晚最清既一道菜😂好爽口 另外，店員服務都超好，同客人有講有笑👍🏻（我地食到佢哋收工個一分鐘，仍然可以保持超好態度😂）