香港旺角｜明廚 旺角店 Ming's Kitchen Mong Kok

「上海街火焰蟹」招牌油鹽焗火焰A級奄仔蟹 $438 奄仔蟹係我心目中係好細隻？店員話有至少8-9兩重？好！叫嚟試下。獨家菲律賓拉戈諾伊灣！ 蟹膏滿滿，金黃色🤪 粗鹽上插住隻奄仔蟹，有台型。加花雕同特殊玫瑰露均勻地倒入鍋再點火，打卡相。香氣十足！酒有助提起蟹嘅鮮味，蟹肉鮮甜有肉地。 油浸野生筍殼魚 $380 泰國河魚「河中石斑」，約1-1.2斤。野生既肉質鮮味肉滑啲，油浸令外層香脆，外酥內嫩。有蔥絲油膩感無乜，又香口！

係正朗豪坊斜對面，夠曬方便。餐廳唔算大，但都算舒服！ 推薦火焰奄仔蟹，蟹身非常大，膏多肉厚。 另外油浸野生筍殼魚肉质厚实鲜嫩，油浸的方式令魚肉更加鮮美，口感極佳。 其她例如涼拌花甲皇同鮮牛肉炒台灣快菜都唔錯👍

首先係油浸野生筍殼魚 ($380)上場，好客老闆透露用上泰國野生筍殼魚，每條重約斤半，比起一般筍殼魚肉多。 魚皮炸至香脆，肉厚又嫩滑，食時再沾上秘製甜甜地醬汁，咁點會唔好味呀?! 好味嘅野唔好比佢停………………….. 上海街火焰奄仔蟹，亦即係招牌油鹽焗火焰A級奄仔蟹 ($438) 以油鹽焗A級野生菲律賓奄仔蟹，每隻差唔多成10斤兩重，推翻咗奄仔蟹係細隻嘅定律。 每邊半隻蟹，D蟹膏入口好似食緊咸蛋黃咁香濃幼滑， 而D蟹肉亦相當結實，一啖食晒兩種，蟹嘅鮮甜係口腔內爆發。而值得一提嘅係佢以油鹽焗，鹽可以令隻蟹保持熱度，食到尾都仲係熱嘅。 黎個啫啫豬潤雞煲 ($168/半隻)。料頭有乾蔥洋蔥爆香晒，再加鷄件及豬潤。原煲熱辣辣，撈均時發出嗞嗞聲響。 惹香濃味醬汁將豬潤同雞包圍，半隻鷄嘅份量都唔少，”偷飯賊”出動…… 呢碟椒絲腐乳唐生菜 ($78)，唐生菜炒得岩岩好，入口爽甜，唔會炒得太淋；椒絲腐乳包圍住唐生菜，用黎送飯又得。