香港尖沙咀｜Lady Nara

想放鬆下又想扮靚打卡又想食泰國菜 就搵到呢間海港城lady Nara 餐廳座位設計都好靚，如果下午仲有陽光海景仲正！ 泰式生蝦 ＄148 食泰菜必點之一！一碟足足有10隻 好爽口！ 香脆蝦餅 ＄68 (3件) 我哋2個人揀3件，大大件好脆，外脆內軟 香茅烤雞 ＄388（原隻） $238（半隻） 超級推介，係即叫即烤！ 勁香勁惹味d 肉汁多又嫩，不得了。 我哋叫半隻全清！ 泰式豬肉炒河粉 $118 份量好足，又唔會好油膩。 泰式炒通菜 ＄88 菜也很新鮮，美味必點

Pink Lady泰菜盛宴💕 講起食泰菜🇹🇭，好多人會諗起九龍城。 然而，事移世易，今時今日嘅香港除咗九龍城嘅泰國餐廳， 仲有唔少後起之秀迎頭趕上， 18年進軍香港嘅Nara Thai Cuisine就係其一。 早已聽聞身邊不少好友給予好評， 餐廳舒適、打卡able的環境也享有美譽。 今日我同朋友就嚟到尖沙咀嘅Lady Nara， 來一場粉紅色的泰國盛宴🩷 話明係Lady，呢度嘅裝備當然係以粉色為主， 埋邊嘅枱仲可以望住個海🌊食嘢，夠晒chill。 可惜當晚窗邊起霧，有礙觀瞻🥹 而menu亦有唔少賣相吸引、夠晒少女心嘅飲品、 甜品同特色菜式😍 用餐時間為90分鐘⌛， 當晚雖然係星期四，但嚟食飯嘅人都相當多， 我哋食嘢嘅時候都已經轉咗一輪客。 燒雞扒配青木瓜沙律 （$128） 雞扒非常軟嫩， 配上酸爽嘅青木瓜沙津， 開胃又大大減輕油膩感。 花膠雞絲班蘭金麵 （$178） 賣相好震撼😆 炸得金黃色嘅蛋麵埋成山狀， 就咁食脆卜卜，撈椰香咖喱湯食就更惹味！ 底下有口感煙韌、超級掛汁嘅班蘭蛋麵， 仲有厚身大塊嘅花膠😍 連埋雞絲同芽菜，份量都唔惹小😆 食完好飽之餘又好滿足😋😋 燒豬頸肉配青木瓜沙律 （$148） 豬頸肉油香十足，口感非常嫩身， 令人食過返尋味😍😍 同樣搭配青木瓜沙津食用， 減輕飽膩感。 香蕉薄餅配榛子醬及煉奶 （$88） 最後當然要嗌甜品， 明明食完頭三道菜已經好飽， 但食咗一啖香甜嘅薄餅之後， 竟將先前嘅油膩、飽腹感一掃而空。 馬上又胃口大開。 直到呢一刻， 我先明白點解啲人話女人有兩個胃😂😂 呢個甜品用咗香蕉、榛子醬同煉奶， 甜就一定架啦，但又令我彷如上癮般吃個不停🤣 蝦片 （$15） 入座前已經有每張枱上放了一碗蝦片， 原來好似酒樓嘅花生咁，係要收費嘅🤣 不過見佢有咁多塊，都可以接受嘅～ 蝦片酥脆帶點辣味，係不俗嘅餐前小食😆

尖沙咀海港城泰國曼谷人氣粉紅系既打卡餐廳😍主打泰式Fusion菜，店內裝修靚靚，當然要去影吓相打卡啦👏🏻 . 餐廳內有多個打卡位，夢幻粉紅風格💕而最靚嘅打卡位莫過於用滕做嘅韆鞦🤩又有好多綠色天然植物，設計別出心裁，加上一覽無遺既維港海景🌠，值得一試嘅泰國餐廳👍🏻 . 我哋二人就各點咗一份午餐，包括沙律、湯品、主菜及飲品🍸 🥗沙律菜非常新鮮有菠蘿、車厘茄、椰菜、生菜等，口感爽脆，配上清新嘅泰式沙律汁，越食越開胃。 餐湯可選冬蔭功或是日餐湯🥣 冬蔭功香味濃郁，配料豐富，酸酸地，香辣惹味🌶 . 😋泰式雞肉炒金邊粉 $158 鑊氣十足嘅金邊粉，炒至微微焦香，少少酸，帶有淡淡甜味，亦有辣同鹹味，依款炒粉裡面有齊咁多味道都好鍾意，係碟嘅側邊擺放三款調味料 : 辣椒粉、砂糖及花生碎，隨個人喜好自由調味，亦可加青檸汁拌勻，味道非常清新 ; 雞肉嫩滑，芽菜爽口，仲有蝦米，食落非常惹味！ . 😋香茅豬扒 配 白飯 $138 豬扒煎得香脆，微微焦香，肉質軟嫩，份量都唔少，入口好嫩滑，配搭自家製泰式辣汁，少少辣帶啲麻香，與白飯一齊食好夾，好美味。 . 🍹餐飲係跟配兩杯咖啡或茶 ; 凍檸檬茶冰冰涼涼，茶底清徹，散發檸檬香味🍋