香港觀塘｜Le Monde Restaurant

<觀塘隱世高質誠意法國菜 食物有水準服務好好> #eatgood_觀塘 🍴餐包 (7.5/10) 有兩個小法包，外面香脆入邊好鬆軟，一個係完美一個係芝麻味，配咗牛油，都幾好食！ 🐟鯷魚車厘茄沙律 (7/10) 係細細條嘅魚，好似沙丁魚，食落去魚肉係好腍，酸酸地幾開胃，配埋火箭菜食好fresh。 🦀蟹沙律酥皮撻 (9/10) 酥皮撻好香脆，好薄，蟹肉沙律好多蟹肉，有微微沙律醬嘅味道，酸酸地好開胃，但蟹肉嘅鹹鮮味好濃，好食！ 🦞龍蝦湯 +$18 (9/10) 非常香濃，質感濃稠，飲得出龍蝦嘅鹹香味，裏面仲有少少龍蝦肉，好好飲！ 🧅法式洋蔥湯 (10/10) 洋蔥湯非常之特別啊，入邊有好多洋蔥之外，面頭有焗左芝士嘅麵包，麵包吸晒洋蔥湯非常軟腍，芝士增加咗風味，洋蔥嘅味道非常香濃，帶少少鹹香！好飲！ 🍴燒加拿大豬鞍配蜜桃燒汁 $358 另收加一 (8/10) 豬鞍啱啱好，幾香炭燒嘅味道，唔會太乾，肉質食落去有彈性，下面有啲紫薯泥，打得好滑，甜甜地，配咗啲蜜桃燒汁，酸酸地幾解膩！ 🍴熟成21日阿根廷西冷配法式賓利士汁 $388 另收加一 (8/10) 牛扒燒到medium，又係有好濃嘅碳香味，肉質好軟腍又有口感，有肉汁！青瓜酸酸地好爽口，蘆筍都係好爽口，好清爽解膩！個醬汁有少少似芥末醬！ 🥥Te Monde Colada $68 (9/10) Pineapple Jus, Miik, coconut, sugar 係酸酸地嘅椰奶味，飲落去有菠蘿嘅酸甜，椰奶嘅清香，整體嚟講都係酸酸甜甜幾好飲菠蘿菠蘿奶 🍹Flamingo $68 (7/10) cranberry Jus, Orange jus, Gingle Ale 主要都係酸酸地，有薑汁嘅味道，都幾特別！ 🍰精選甜品 (8/10) 榛子蛋糕非常香濃嘅宗榛子味，蛋糕有五層，分別係蛋糕同埋cream，食落去蛋糕好鬆軟，食到有榛子粒粒，好香但一啲都唔會甜，蛋糕口感比較濕潤！仲有個焦糖香蕉，焦糖香脆，香蕉都好軟熟。 馬卡龍外脆內軟，食落去唔會好甜，有微微嘅檸檬香氣，令一個係紅莓味，咬落去有果醬，酸酸地！ 🍴凍檸茶 (7/10) 正常發揮！ 推薦指數: 9/10 真心環境好闊落，啱晒傾偈聚會慶祝，法國餐都真係好認真用心去做，味道都非常之好，服務好好好有禮貌，價錢三百零蚊夜晚一個有前菜去到甜品嘢飲真係好抵食，其實出去單點cafe都差唔多價，倒不如食一餐有儀式感嘅法國餐！ 📍 Le Monde (觀塘) 觀塘巧明街94-96號鴻圖中心9樓A室 #香港美食 #hkfoodie #食好西 #hkig #hkeat #hkfood #food #tasty #西餐

#20230916 📝 📍 Le Monde @lemondehk 觀塘巧明街94-96號鴻圖中心9樓A室 ➖➖➖➖➖➖➖➖➖➖➖➖➖➖➖ #餐湯餐包 #粟米忌廉湯 +$40 #龍蝦湯 另+$18 💭 呢度真係一間隱世既餐廳，唔會有人係路過搵野食而去，枱枱應該都係有目標而尼😬粟米湯無添加好多粉整到杰撻撻咁，好多攪爛左既粟米🌽一路飲一路有野咬下，除左是日餐湯仲可以再加$18升級做龍蝦湯，呢個相對地杰身啲，雖然入面無龍蝦肉，但好重龍蝦味🦞 . #鯷魚車厘茄多士 $48 💭 以為鯷魚係平時睇旅遊節目介紹果啲臭咸魚，點知食落似醋鯖魚多啲，食落酸酸地但有啲甜既橙色車厘茄夾係中間，面頭條菜又帶少少苦🌱一啖咬落有好多種味覺同一時間係個口入面爆發，係好開胃既前菜 . #炸番茄意大利飯球 $65 💭 入面個意大利飯係用蕃茄燴過，另外仲會比啲新鮮既茄汁用尼點🥫咁樣出面入面都食到蕃茄味🍅再有芝士係中間，咬落可以拉絲🧀️另外每碟野都有沙律伴碟，特別在個醋有少少青提既味道，好吸引🍇 . #脆伊比利亞火腿水煮蛋黑麥酸種包 $68 💭 脆火腿好似煙肉咁咸咸地🥓水煮蛋動L動L，🐷都忍唔住玩左陣先食🤪食既時候要小心，個蛋一篤就穿，唔可以比啲蛋汁浪費左，又唔可以一早吮晒啲蛋汁先，因為啲蛋汁要襯住啲火腿食，咁先係最夾😋 . #煙三文魚忌廉芝士貝果 $75 💭 咁多樣最鐘意呢個bagel，煙煙韌韌絕對唔係啲空氣包，加上烘過啲邊有少少酥脆🥯入面啲煙三文魚都唔係得一兩塊，而係滿滿既每一啖都有，配埋忌廉芝士無得彈👍🏼 . #熱檸水 . #觀塘美食 #🐷在觀塘 #🐷_食

聽朋友介紹，觀塘有間無咩人知嘅西餐廳，唔單止食物好味，服務同環境方便都做得好出色，好適合情侶chill住咁慶祝紀念日🤩 我哋叫咗兩個dinner set，計埋加一先$764😳尼個價錢有咁高質嘅體驗，真係非常驚喜🥰 🍽️鯷魚車厘茄沙律/ 蟹沙律酥皮撻 鯷魚食落似沙甸魚，配埋車厘同蔬菜，酸酸地幾開胃😋但相比之下，酥皮撻更為出色🤤蟹肉好多好足料，而且個撻超酥脆，咬落可以清楚feel到層次感，口感非常好😍 🍽️法式洋蔥湯/ 龍蝦湯(+$18) 洋蔥湯唔會有生洋蔥嗰種刺激感，反而幾柔和，飲落好暖身😌龍蝦湯味道非常濃郁，濃縮咗龍蝦嘅精華，再加入忌廉，口感軟滑🥰 🍽️熟成21日阿根廷西冷配法式賓利士汁 經歷21日熟成再加上3成嘅熟度，牛扒肉質非常嫩滑，口感好好😋西冷食落好有牛味，充滿肉汁，甜度同風味都好夠🤤此外，佢嘅外皮煎至焦香，肥膏經過炙燒，油脂香氣完美咁釋放晒出嚟，超好食🥰 🍽️燒加拿大豬鞍配蜜桃燒汁 一望已經俾佢深深咁吸引住😍豬扒充滿光澤，grill mark好明顯咁印咗喺頂部☺️同西冷一樣有微微嘅焦香🥰食落肉質鬆軟，無咩肥膏但一啲都唔柴👍🏻另外，記得要點下密桃燒汁，味道非常夾❤️ 🍽️榛子夾餅配焦糖香蕉 有香濃嘅榛子同朱古力味，唔同層嘅質感加上堅果碎，口感好豐富😋旁邊嘅焦糖香蕉都好正，外脆內軟，而且糅合果糖同焦糖嘅甜味，味道好特別🤤 🍽️蘋果汁/ 西瓜汁 跟餐附送咖啡或茶，但嗰日有promotion送果汁🤩尼度嘅果汁都係即叫即榨，非常新鮮健康，而且會有陣清新嘅香氣，相當解膩😋 味道😋 9/10 性價比💰 9/10 環境🔎 8.5/10 服務🫶🏻 8.5/10 打卡指數📸 8.5/10 ٩(˃̶͈̀௰˂̶͈́)و 推薦指數🥰 9/10