香港中環｜TempuraJiro

聽說，天花板級既天婦羅，紙上係應該滴油不沾，原來呢個傳說係真架⋯ 老闆同師傅都係日本人既Tempura Omakase，傳統日式吧台，師傅會係你面前即時烹煮食物，然後親自遞上現炸既天婦羅同解說食材，確保客人可以品嚐到最美味既一刻。新鮮既食材、薄薄既炸漿、不油膩但香口既天婦羅，完全達到另一層次，又怎能不愛？

. 今次我哋嚟到中環食天婦羅omakase，環境舒適，而且日本廚師都非常之友善💯，首先會有四種唔同嘅鹽類擺放喺面前，由左至右分別係松露鹽、綠茶鹽、凱粗鹽、梅鹽、青鹽，非常之特別。 。 營光魷魚🦑 配上玉子，非常之開胃，再加上酸酸地嘅秋葵，作為前菜冇得頂。 。 熊本縣天竺蝦一味三食，首先第一食，蝦🦐高溫油炸，再加上 青檸汁同海藻鹽，非常之惹味。第二食，蝦低溫油炸，加上蘿蔔溶同天婦羅汁，感覺更加Fresh同冇咁油膩。第3食炸蝦頭，❤️所有嘅鮮味都喺個蝦頭入面，再加上炸得十分酥脆，口感同埋味道都別有風味。 。 熊本縣茄子，左邊冇調味直接食，感覺幾Fresh，❤️唔錯。而右邊加上木魚花調咗味，點點嘅鹹味，帶出左茄子嘅鮮味✅ 。 沙鎚魚有兩種食法，魚骨炸得好酥脆，😋配上鹽嚟食，好惹味。而魚肉都好有魚味，外脆內軟，再沾上天婦羅汁，感覺非常之爽。 。 吞拿魚赤身，口感非常之厚實，😋好有咬口，而且吞拿魚味濃郁，幾有鮮味。 。 海膽魚子紫菜天婦羅，海膽甘甜鮮味，再加上紫菜天婦羅嘅口感，😋無論係口感定係味道都好有層次。另外仲有魚籽天婦羅都好特別，爽脆嘅天婦羅，再加上咬落啪啪聲嘅魚籽，💯非常有層次感，另外上面仲加咗柚子皮，成個味道感覺更加清新解膩。 。 蟹肉高湯冬瓜煮物，蟹味都幾濃郁，再加上冬瓜同埋高湯，幾好味。 。 馬糞海膽亦都好鮮味，😍而且佢嘅回甘味比較重，再加上紫蘇葉，令到味道更加有層次同刺激感，好獨特。 。 海鰻炸得非常之酥脆，連鰻魚本身嘅軟骨都可以食到，咬落索索聲，識嘅時候配上鹽，❤️令到味道再一次提鮮，超好食。 。 九州紅瑤番薯，熱辣辣超好食，😍甜度充足嘅，食過返尋味。

日藉師傅主理 高質天婦羅 款款都好食，最推介粟米、海鰻、太刀魚、帶子蝦餅飯👍🏻👍🏻👍🏻