香港尖沙咀｜Inaotsu Japanese Restaurant

今日同朋友黎到呢間樓上⛩️居酒屋，呢間位於尖沙咀寶勒巷嘅居酒屋非常出色，無論環境氣氛、食物同服務都一流👍🏻值得encore❗️最正係店內更設有日式榻榻米獨立房間，下次約埋一班朋友仔黎聚會私隱度極高。

前排想食日本嘢，朋友就介紹我呢一間日本料理店～餐廳入面有榻榻米座位，都幾有氣氛❤️ 時令銀杏：真係新鮮熱辣辣！銀杏微苦，適合細細品味 時令鮟鱇魚肝+魚排：鮟鱇魚肝配上酸汁唔會腥，口感都幾特別～煎魚扒外脆內嫩 左口魚薄切：魚片晶瑩剔透，入口微脆，另外，仲有燒左口魚都好正！ 清酒煮日本蜆：酒味十足，蜆都算大隻，冬天飲完暖笠笠😍 火炙銀鱈魚壽司+火炙海膽鮮帶子壽司🍣：兩者各有特色！火炙銀鱈魚壽司油脂豐富，入口即溶！而火炙海膽鮮帶子壽司啲海膽份量好多，配上鮮甜嘅帶子都好正～ 鱈魚白子天婦羅🍤：一開始其實唔係好夠膽食😂🙈但係後尾試過之後有幾特別～感覺有啲似炸豆腐，入邊啲餡超級柔軟，出邊酥脆 招牌魚湯烏冬：最後點少得佢哋嘅招牌魚湯烏冬呢？🤣佢哋個魚通完全係無添加，用魚骨去熬製！麵質都好滑，連湯都飲晒！😍

非常高質的日本居酒屋，出品非常好，價格算合理（人均500元，不包酒水），精食好地方。